അമൽ ബാഹുലേയൻ
നേമം: വാഹനാപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു. നെടുമങ്ങാട് നെട്ട ഹൗസിംഗ് ബോർഡിന് സമീപം സർഗ്ഗം വീട്ടിൽ ബാഹുലേയൻ-വത്സല ദമ്പതികളുടെ മകൻ അമൽ ബാഹുലേയൻ (36) ആണ് മരിച്ചത്.
സെപ്റ്റംബർ 19-ന് രാത്രി 8 മണിയോടുകൂടി നെടിയവിളയിലായിരുന്നു അപകടം. റോഡ് പണിക്കായി ഇറക്കിയിരുന്ന മെറ്റലിൽ ബൈക്ക് കയറി നിയന്ത്രണം വിട്ട് മറിയുകയായിരുന്നു. അപകടത്തെ തുടർന്ന് തലക്കേറ്റ ക്ഷതമാണ് മരണകാരണമായത്.
ആശുപത്രിയിൽ ചികിത്സയിലിരിക്കെ തിങ്കളാഴ്ച പുലർച്ചെ 1.15-നായിരുന്നു മരണം. ആർക്കിടെക്റ്റ് ആണ് അമൽ. കാർത്തികയാണ് ഭാര്യ. മക്കൾ: മാനവ്, മാധവി. മൃതദേഹം പോസ്റ്റുമോർട്ടത്തിനുശേഷം ബന്ധുക്കൾക്കു വിട്ടുനൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.