ന്യൂഡൽഹി: കുട്ടിക്കുറുമ്പൻമാരായ ആനകളുടെ കുസൃതികൾ ആരെയും അതിശയിപ്പിക്കും. അത്തരത്തിൽ പ്രാഗ്യൂ മൃഗശാലയിലെ ഒരു പഴയ വിഡിയോയാണ് ഇപ്പോൾ സമൂഹമാധ്യമങ്ങളിൽ വൈറൽ.
ഇന്ത്യൻ ഫോറസ്റ്റ് സർവിസ് ഓഫിസറായ രമേശ് പാണ്ഡെയാണ് വിഡിയോ ട്വീറ്റ് ചെയ്തത്. ദിവസം മുഴുവൻ കളിച്ചുനടന്ന കുട്ടിയാന വെയിലത്ത് കിടന്നുറങ്ങി. അമ്മയാന കാലുകൊണ്ടും തുമ്പിക്കൈകൊണ്ടും തട്ടിവിളിച്ചിട്ടും എഴുന്നേൽക്കാൻ തയാറാകാതെ വന്നതോടെ അമ്മയാന പ്രയോഗിച്ച തന്ത്രമാണ് ചിരി പടർത്തുന്നത്.
വിളിച്ചിട്ടും എണീക്കാതെ വന്നതോടെ മൃഗശാല അധികൃതരെ വിളിച്ചുകൊണ്ട് വരികയായിരുന്നു അമ്മയാന. അവർ കുട്ടിയാനയുടെ അടുത്തേക്ക് ചെല്ലുേമ്പാൾ അമ്മയാന മാറിനിൽക്കുന്നതും വിഡിയോയിൽ കാണാം. മൃഗശാല അധികൃതരെത്തി വിളിക്കുേമ്പാൾ അൽപം മടിക്കുന്ന കുട്ടിയാന പിന്നീട് ചാടിയെഴുന്നേറ്റ് അമ്മയുടെ അടുത്തേക്ക് പോകുന്നതാണ് വിഡിയോ.
ആന ഒരു സമൂഹ ജീവിയും ഒപ്പം ബുദ്ധിയുള്ള ജീവിയുമാണെന്ന അടിക്കുറിപ്പോടെയാണ് രമേശ് പാണ്ഡെ വിഡിയോ ട്വീറ്റ് ചെയ്തത്. ലക്ഷക്കണക്കിന് പേർ ഇതിനോടകം വിഡിയോ കണ്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.