മാസ്​ക്​ ബോധവത്​കരണത്തിന്​ കുട്ടിക്കുറുമ്പൻെറ മുടിവെട്ട്​ വിഡിയോ ഉപയോഗിച്ച് മുംബൈ പൊലീസ്​

കോവിഡ്​ പടർന്നുപിടിച്ചിട്ടും മാസ്​ക്​ ധരിക്കാതെ പുറത്തിറങ്ങുന്നവരെ ബോധവത്​കരിക്കാൻ മുംബൈ പൊലീസ്​ ഉപയോഗിച്ചത്​ വൈറലായ കുട്ടിക്കുറുമ്പൻെറ മുടിവെട്ട്​ വിഡിയോ. അനുശ്രുത്​ എന്ന ബാലൻ മുടിവെട്ടുന്നതിനിടെ ബാർബറോട്​ ദേഷ്യത്തിൽ പറയുന്ന വാക്കുകളാണ്​ പൊലീസ്​ ഉപയോഗിച്ചിരിക്കുന്നത്​. 'അരേ, മത്​ കരോ യാർ' (ഇങ്ങിനെ ചെയ്യരുത്​ സുഹൃത്തേ) എന്ന്​ ഈർഷ്യയോടെ അനുശ്രുത്​ പറയുന്നതാണ്​ വിഡിയോയിലുള്ളത്​. 'മാസ്​ക്​ ധരിക്കാതെ പുറത്തിറങ്ങുന്നവരോട്​ ഉത്തരവാദിത്തമുള്ള മുംബൈ നിവാസികൾ പറയേണ്ടത്​ ഇതാണ്​' എന്ന കാപ്​ഷനോടെയാണ്​ മുംബൈ പൊലീസ്​ ഈ വിഡിയോ പങ്കുവെച്ചിരിക്കുന്നത്​.

ഇത്​ വൈറലാകാൻ അധികനേരം വേണ്ടി വന്നില്ല. നവംബറിൽ ആണ്​ അനുശ്രുതിൻെറ മുടിവെട്ട്​ വിഡിയോ വൈറലായത്​. തൻെറ മുടിമുറിക്കുന്നതിൽ ബാർബറോട്​ നീരസം പ്രകടിപ്പിക്കുകയും ദേഷ്യപ്പെടുകയും ചെയ്യുന്ന അനുശ്രുതിൻെറ വിഡിയോ പിതാവ്​ അനൂപ്​ ആണ്​ ട്വിറ്ററിൽ പങ്കുവെച്ചത്​. ബോളിവുഡ്​ താരങ്ങളായ റിച്ച ഛദ്ദയും ദിവ്യ ദത്തയുമൊക്കെ വിഡിയോ റീട്വീറ്റ്​ ചെയ്​തിരുന്നു.