ഗ്യാസ് സിലിണ്ടറുകൾ കയറ്റിയ ട്രക്ക് ഡ്രൈവറില്ലാതെ മുന്നോട്ടുനീങ്ങുന്ന വിഡിയോ സമൂഹ മാധ്യമങ്ങളിൽ വൈറലാകുന്നു. ബ്രസീൽ മിനാസ് ജിറൈസിലെ ഇബിറൈയിലുള്ള സംഭരണ കേന്ദ്രത്തിന്‍റെ ഗേറ്റ് കടന്നും റോഡിലേക്ക് നീങ്ങുന്ന ട്രക്ക് എതിർവശത്തുള്ള മലഞ്ചെരുവിലേക്ക് മറിയും മുമ്പ് നിർത്താൻ കഴിഞ്ഞതുകൊണ്ട് വൻ ദുരന്തവും ഒഴിവായി.
ട്രക്കിൽ ഗ്യാസ് സിലിണ്ടറുകൾ കയറ്റുന്നതിന് വേണ്ടി ഡ്രൈവർ ഇറങ്ങി നിൽക്കുേമ്പാളാണ് വണ്ടി മുന്നോട്ടുനീങ്ങുന്നത്. മുന്നിൽ നിന്ന് തടയാൻ ശ്രമിക്കുന്ന ഡ്രൈവറെ തൊട്ടുരുമ്മിയാണ് വണ്ടി ഉരുളുന്നത്. എന്നാൽ, സമയോചിതമായി ഇടപെട്ട ഡ്രൈവർ പിന്നാലെ ഓടി ഡോർ തുറന്ന് ട്രക്കിനുള്ളിൽ കയറി നിർത്തുന്നതും വിഡിയോയിൽ കാണാം. ട്രക്ക് തനിയെ റോഡിലേക്ക് നീങ്ങിയപ്പോൾ ഏെതങ്കിലും വാഹനങ്ങൾ വന്നിരുന്നെങ്കിൽ അപകടം സംഭവിക്കുമായിരുന്നു. ഇതൊഴിവാക്കിയ ഡ്രൈവറെ അഭിനന്ദിച്ച് നിരവധി പേരാണ് രംഗത്തെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.