നമ്മുടെ ആരാധനാപാത്രങ്ങളായ സ്‌പോർട്‌സ് താരങ്ങളെ കാണാനും അവരുമായി കളിക്കാനുമുള്ള അവസരം ലഭിച്ചാൽ അത് ഏറെ സന്തോഷകരമായിരിക്കും അല്ലേ. അത്തരമൊരു അവസരം ലഭിച്ച ഡോക്ടറുടെ വിഡിയോ സമൂഹമാധ്യമങ്ങളിൽ വൈറലായിരിക്കുകയാണ്. യു.കെയിൽ താമസിക്കുന്ന സമാറ അഫ്‌സൽ എന്ന വനിതാ ഡോക്റാണ് വൈറൽ വിഡിയോയിലെ താരം. പാകിസ്ഥാൻ ക്രിക്കറ്റ് താരം യൂനുസ് ഖാനോടൊപ്പം ക്രിക്കറ്റ് കളിക്കാനാണ് സമാറക്ക് അവസരം ലഭിച്ചത്.
അത്ര സാധാരണക്കാരിയല്ല ഡോ: സമാറ ഖാൻ. ഇംഗ്ലീഷ് കൗണ്ടി ടീമായ വാർവിക്ക്ഷെയറിന് വേണ്ടി കളിച്ചിരുന്ന ഇവർ കമന്റേറ്ററും പരിശീലകയുമാണ്. സൽവാർ കമീസ് ധരിച്ച് സ്വന്തം വീടിന്റെ മുറ്റത്താണ് സമാറയും യൂനുസ് ഖാനും ക്രിക്കറ്റ് കളിച്ചത്. യൂനുസ് ഖാന്റെ ബൗളിങിനെ നേരിടുന്ന സമാറയെ വിഡിയോയിൽ കാണാം.
‘ക്രിക്കറ്റ് ലോകം സൃഷ്ടിച്ച ഏറ്റവും മികച്ച താരങ്ങളിലൊരാളുമായി എന്റെ സൽവാർ കമീസിൽ പൂന്തോട്ടത്തിൽ ക്രിക്കറ്റ് കളിക്കുന്നത് സ്വപ്നസാഫല്യമാണ്’-സമാറ ട്വിറ്ററിൽ കുറിച്ചു. 2017-ൽ വിരമിച്ച യൂനുസ് ഖാൻ ടെസ്റ്റ് ക്രിക്കറ്റിലെ ഏറ്റവും മികച്ച മധ്യനിര ബാറ്റ്സ്മാൻമാരിൽ ഒരാളായി കണക്കാക്കപ്പെടുന്നയാളാണ്. ട്വീറ്റിന് ഒരു മില്യനിലധികം വ്യൂസും ആയിരക്കണക്കിന് കമന്‍റുകളും ലഭിച്ചിട്ടുണ്ട്.
Playing cricket in the garden in my salwar kameez with one of the greatest cricketers the sport has produced is what dreams are made of! Such a humble and respectful human being is @YounusK75 #Cricket 💚 pic.twitter.com/X3DjOKqIJv
— Dr Samara Afzal (@SamaraAfzal) July 3, 2023
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.