സ്​ഫോടനമുണ്ടായത്​ പ്രസവസമയത്ത്​, കുഞ്ഞിനെ പുറത്തെടുത്തത്​ മൊബൈൽ വെട്ടത്തിൽ-ഇതാ 'ലെബനാനിലെ വണ്ടർ ബേബി'

ബെയ്​റൂത്ത്​​: ശ്വാസമടക്കിപ്പിടിച്ചേ ആർക്കും ഇൗ വിഡിയോ കാണാനാകൂ. ഒരു യുവതിയെ പ്രസവത്തിനായി ലേബർ റൂമിലേക്ക്​ കയറ്റുന്നതും പ്രസവമെടുക്കുന്നതിനിടെ സ്​​ഫോടനമുണ്ടാകുന്നതും വൈദ്യുതിബന്ധം നിലച്ചതിനാൽ മൊബൈലി​െൻറയും ടോർച്ചി​െൻറയും മറ്റും വെട്ടത്തിൽ കുഞ്ഞിനെ പുറത്തെടുക്കുന്നതുമെല്ലാം അതിലുണ്ട്​.

ബെയ്​റൂത്തിലുണ്ടായ സ്​ഫോടനത്തി​െൻറ ഭീകരതയും ജനങ്ങളുടെ ദൈന്യതയുമെല്ലാം വെളിവാക്കുന്ന വിഡിയോകളിലൊന്നാണിതും​. ദൃശ്യങ്ങൾ പകർത്തിയതാക​െട്ട കുഞ്ഞി​െൻറ പിതാവും. 'ലെബനാനിലെ വണ്ടർ ബേബി' എന്ന്​ മാധ്യമങ്ങൾ വിശേഷിപ്പിക്കുന്ന ജോർജി​െൻറ ജനന സമയത്തെ ദൃശ്യങ്ങൾ സമൂഹ മാധ്യമങ്ങളിൽ വൈറലാകുകയാണ്​.

എഡ്​മണ്ട്​ ഖനൈസർ ആണ്​ ത​െൻറ ഭാര്യയെ പ്രസവത്തിനായി സെൻറ്​ ജോർജ്​ ആശുപത്രിയിലെ ലേബർ റൂമിൽ കയറ്റുന്നത്​ മുതലുള്ള ദൃശ്യങ്ങളും ഫോ​​േട്ടാകളും ഫേസ്​ബുക്കിൽ പങ്കുവെച്ചത്​. എഡ്​മണ്ടി​െൻറ ഭാര്യയായ എമ്മാനുവലെ ഖനൈസറിനെ സ്ട്രക്ചറിൽ കിടത്തി ലേബർ റൂമിലേക്ക്​ പ്രവേശിപ്പിച്ചയുടനാണ്​ സ്​​ഫോടനമുണ്ടാകുന്നത്​. ഇതി​െൻറ ആഘാതത്തിൽ ജനൽച്ചില്ലുകൾ തകരുന്നതും ആശുപത്രിയിലെ ഉപകരണങ്ങൾ വീഴുന്നതും കാണാം.

വൈദ്യുതി ബന്ധം കൂടി ഇല്ലാതാകുന്നതോടെ മൊബൈൽ വെട്ടത്തിലും ടോർച്ചി​െൻറ വെളിച്ചത്തിലുമൊക്കെയാണ്​ കുഞ്ഞിനെ പുറത്തെടുത്തത്​. പ്രസവാനന്തരമുള്ള പരിചരണത്തിന്​ വെട്ടം കിട്ടുന്നതിനായി കുഞ്ഞിനെ ജനലരികിൽ കൊണ്ട​ുപോയി പരിചരിക്കുന്നതും എഡ്​മണ്ട്​ പങ്കുവെച്ചിട്ടുണ്ട്​.

തങ്ങൾ ഇപ്പോഴും ജീവിച്ചിരിപ്പുണ്ടെന്ന് വിശ്വസിക്കാനാവുന്നില്ലെന്ന് എഡ്മണ്ട് പറയുന്ന വിഡിയോ ബി.ബി.സി പുറത്തുവിട്ടു. 'ആരോ​ഗ്യപ്രവർത്തകരോട് എന്നും കടപ്പെട്ടിരിക്കുന്നു. പരിക്കേറ്റിട്ടും അവർ എ​െൻറ ഭാര്യയുടെ അരികിൽ നിന്നുമാറിയില്ല. പരമ്പരാ​ഗത രീതിയിലാണ് പ്രസവം എടുത്തത്​. ഉപകരണങ്ങള​ുടെ സേവനമൊന്നും ലഭ്യമായിരുന്നില്ല. ഭാര്യയുടെ ശരീരം മുഴുവൻ ഗ്ലാസ്​ ചില്ലുകൾ തറച്ചുകയറിയിരുന്നു. പ്രസവശേഷം മറ്റൊരു ആശുപത്രിയിലെത്തിച്ചാണ്​ തുടർ ചികിത്സ നൽകിയത്​'- എഡ്മണ്ട് പറയുന്നു.

പ്രതിസന്ധികളെ അതിജയിച്ചെത്തിയ മക​ൻ ജോർജി​െൻറ പേരിൽ എല്ലാവരോടും നന്ദി പറയുന്നു എഡ്​മണ്ട്​. 'എന്നെ ഇൗ ലോകത്തിലേക്ക്​ സുരക്ഷിതനായി എത്തിച്ചതിന്​ നന്ദി. എന്നെങ്കിലും ഒരു ദിവസം ഈ കടങ്ങൾ വീട്ടാനാകുമെന്നാണ്​ ​പ്രതീക്ഷ'- എഡ്​മണ്ട്​ കുറിച്ചു.