ദിലീപിന്‍റെ 'ഈ പറക്കും തളിക' സിനിമ കണ്ടവരാരും സിനിമയിൽ കഥാപാത്രത്തെ പോലെ നിറഞ്ഞുനിൽക്കുന്ന 'താമരാക്ഷൻ പിള്ള' ബസിനെ മറക്കില്ല. കൊച്ചുകൊച്ചു പൂക്കളും ചെടികളും വെച്ച് അലങ്കരിച്ച് കല്യാണയാത്ര പോയ സീനുകൾ ഏറെ ചിരിപ്പിച്ചതാണ് സിനിമയിൽ. ഇപ്പോഴിതാ, കോതമംഗലം നെല്ലിക്കുഴിയിൽ നടന്ന ഒരു കല്യാണത്തിൽ യാത്രക്കായി വാടകക്ക് എത്തിയ കെ.എസ്.ആർ.ടി.സി ബസിനെ 'പറക്കും തളിക' മോഡലിൽ അലങ്കരിച്ചതിന്‍റെ ദൃശ്യങ്ങളാണ് സമൂഹമാധ്യമങ്ങളിൽ പ്രചരിക്കുന്നത്.
എറണാകുളം നെല്ലിക്കുഴിയില്‍ നിന്ന് അടിമാലിയിലേക്കാണ് ബസ് പുറപ്പെട്ടത്. വാഴയും തെങ്ങോലകളും ചെടികളും വെച്ച് കെട്ടിയാണ് ബസ് ആകെ അലങ്കരിച്ചത്. ബസിന്‍റെ മുൻവശം ഉൾപ്പെടെ ഇങ്ങനെ അലങ്കരിച്ചിട്ടുണ്ട്. യാത്രക്ക് പുറപ്പെടാനൊരുങ്ങി നിൽക്കുന്ന ബസിന്‍റെ വിഡിയോയാണ് പ്രചരിക്കുന്നത്.
അതേസമയം, അപകടകരമായ രീതിയിലാണ് ബസ് അലങ്കരിച്ചതെന്ന് ആക്ഷേപം ഉയർന്നിട്ടുണ്ട്. വടക്കഞ്ചേരി അപകടത്തിന്‍റെ പശ്ചാത്തലത്തിൽ ടൂറിസ്റ്റ് ബസുകൾക്കെതിരെ കർശന നടപടി കൈക്കൊള്ളുമ്പോഴാണ് കെ.എസ്.ആർ.ടി.സി ബസ് ഇങ്ങനെ സുരക്ഷിതമല്ലാത്ത രീതിയിൽ അലങ്കരിച്ച് സർവിസ് നടത്തുന്നതെന്ന് പലരും ചൂണ്ടിക്കാട്ടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.