മലപ്പുറം: ലോകകപ്പ് ഫുട്ബാളിന്‍റെ തീപാറുന്ന അവസാന റൗണ്ട് മത്സരങ്ങൾ കുടുംബത്തോടൊപ്പം മനസ്സുനിറച്ച് രുചികരമായ വിഭവങ്ങൾ ആസ്വദിച്ച് ബിഗ് സ്ത്രീനിൽ കാണാൻ 'മാധ്യമം' അവസരമൊരുക്കുന്നു.
ലോകകപ്പ് ഫുട്ബാൾ ക്വാർട്ടർ, സെമി, ഫൈനൽ മത്സരങ്ങൾ നടക്കുന്ന ഡിസംബർ ഒമ്പതുമുതൽ 18 വരെ വേങ്ങര സബാഹ് സ്ക്വയറിലാണ് ഫുഡ് ഫെസ്റ്റിവലിനൊപ്പം മികച്ച ശബ്ദ-ദൃശ്യ മികവോടെ ബിഗ് സ്ക്രീനിൽ കളി പ്രദർശിപ്പിക്കുക. ഫുട്ബാളുമായി ബന്ധപ്പെട്ട വിവിധ മത്സരങ്ങൾ, പ്രത്യേക പാചക മത്സരങ്ങൾ, കുട്ടികൾക്കായി കളിയിടങ്ങൾ ഉൾപ്പെടെ ഇതോടനുബന്ധിച്ച് ഒരുക്കിയിട്ടുണ്ട്.
മാസ്റ്റർ ഷെഫ്, മാസ്റ്റർ കിക്ക്, ഷൂട്ടൗട്ട് മത്സരം, ഗേൾ ആൻഡ് ഗോൾ, ഫുഡ്ബൗൾ ഫുഡ്ഫെസ്റ്റ്, ബാൾ ആർട്ട്, ഡസർട്ട് മാസ്റ്റർ, ഫൺ ആൻഡ് ഫാമിലി, കിഡ്സ് സോൺ തുടങ്ങിയവ ഇതോടനുബന്ധിച്ച് ഒരുക്കിയിട്ടുണ്ട്. കളി ഖത്തറിലാണെങ്കിലും കലാശക്കൊട്ട് വേങ്ങരയിലായിരിക്കും. ഇനി വിരലിലെണ്ണാവുന്ന ദിവസങ്ങൾ കൂടി. കാൽപന്തുകളിയുടെ ആരവത്തിലലിയാൻ കാത്തിരിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.