സാവോപോളോ: തന്റെ റെക്കോഡ് തകർത്ത ഫ്രാൻസിന്റെ കിലിയൻ എംബാപ്പെക്ക് അഭിനന്ദനവുമായി ഇതിഹാസ താരം പെലെ. കുറഞ്ഞ പ്രായത്തിൽ കൂടുതൽ ലോകകപ്പ് ഗോളുകൾ നേടിയ താരമെന്ന നേട്ടമാണ് എംബാപ്പെ സ്വന്തമാക്കിയത്.
സാവോപോളോയിലെ ആൽബർട്ട് ഐൻസ്റ്റീൻ ആശുപത്രിയിൽ ചികിത്സയിലുള്ള പെലെക്ക് വേണ്ടി പ്രാർഥിച്ച് ഈ മാസം മൂന്നിന് എംബാപ്പെ ട്വീറ്റ് ചെയ്തിരുന്നു.
ഇതിന് മറുപടിയായുള്ള ട്വീറ്റിലാണ് ഇതിഹാസ താരത്തിന്റെ അഭിനന്ദനം. ''നന്ദി, എംബാപ്പെ. ലോകകപ്പിലെ എന്റെ മറ്റൊരു റെക്കോഡ് കൂടി നീ തകർത്തതിൽ സന്തോഷം കൂട്ടുകാരാ'' -പെലെ ട്വിറ്ററിൽ കുറിച്ചു.
അർബുദ ചികിത്സയിലുള്ള പെലെ ഗുരുതരാവസ്ഥയിലാണെന്ന് വാർത്തകൾ പ്രചരിച്ചിരുന്നു. എന്നാൽ, ആരോഗ്യവാനാണെന്നായിരുന്നു കുടുംബം പ്രതികരിച്ചത്. അതിനിടെയാണ് സമൂഹമാധ്യമത്തിലൂടെയുള്ള പ്രതികരണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.