കലാശപ്പോരിലെ സൂപ്പർ ഫൈറ്റ്

ഹ്യൂ​ഗോ ലോ​റി​സ് Vs എ​മി​ലി​യാ​നോ മാ​ർ​ട്ടി​നെ​സ്

ഖ​ത്ത​ർ ലോ​ക​ക​പ്പി​ലെ ഏ​റ്റ​വും പ​രി​ച​യ​സ​മ്പ​ന്ന​രാ​യ ഗോ​ൾ​കീ​പ്പ​ർ​മാ​രി​ലൊ​രാ​ളാ​ണ് ഫ്രാ​ൻ​സി​​ന്റെ കാ​വ​ലാ​ളാ​യ ഹ്യൂ​ഗോ ലോ​റി​സ്. 144 മ​ത്സ​ര​ങ്ങ​ളി​ൽ വ​ല കാ​ത്തു​ക​ഴി​ഞ്ഞ 35കാ​ര​ൻ ടീ​മി​ന്റെ നാ​യ​ക​നു​മാ​ണ്. 2018ൽ ​ഫ്രാ​ൻ​സ് കി​രീ​ടം നേ​ടി​യ​പ്പോ​ഴും ക്യാ​പ്റ്റ​ൻ മ​റ്റാ​രു​മാ​യി​രു​ന്നി​ല്ല. ക്വാ​ർ​ട്ട​ർ വ​രെ​യു​ള്ള ക​ളി​ക​ളി​ലെ​ല്ലാം ഫ്രാ​ൻ​സ് ഗോ​ൾ വ​ഴ​ങ്ങി​യി​രു​ന്നെ​ങ്കി​ലും ടീ​മി​ന്റെ വി​ജ​യ​ങ്ങ​ളി​ൽ ബാ​റി​നു​കീ​ഴി​ൽ ലോ​റി​സി​ന്റെ റോ​ൾ നി​ർ​ണാ​യ​ക​മാ​യി​രു​ന്നു. സെ​മി​യി​ൽ മൊ​റോ​ക്കോ​യെ ഗോ​ള​ടി​ക്കു​ന്ന​തി​ൽ​നി​ന്ന് ത​ട​യാ​നും ലോ​റി​സി​നാ​യി.

അ​ർ​ജ​ന്റീ​ന ടീ​മി​​ൽ ആ​ത്മ​വി​ശ്വാ​സ​ത്തി​ന്റെ ആ​ൾ​രൂ​പ​മാ​ണ് എ​മി​ലി​യാ​നോ മാ​ർ​ട്ടി​നെ​സ്. ഒ​രു പ​തി​റ്റാ​​ണ്ടോ​ളം ക്ല​ബ് ഫു​ട്ബാ​ളി​ൽ ആ​രു​മ​റി​യാ​തെ ക​ഴി​യു​ക​യാ​യി​രു​ന്ന 'ദി​ബു' ക​ഴി​ഞ്ഞ​വ​ർ​ഷം മാ​ത്ര​മാ​ണ് അ​ർ​ജ​ന്റീ​ന​ക്കാ​യി ക​ളി​ച്ചു​തു​ട​ങ്ങി​യ​ത്. 25 മ​ത്സ​ര​ങ്ങ​ളു​ടെ പ്രാ​യം മാ​ത്ര​മെ 30കാ​ര​ന് ദേ​ശീ​യ ജ​ഴ്സി​യി​ലു​ള്ളൂ​വെ​ങ്കി​ലും ടീ​മി​ന്റെ വി​ശ്വ​സ്ത​നാ​ണി​പ്പോ​ൾ എ​മി. നെ​ത​ർ​ല​ൻ​ഡ്സി​നെ​തി​രാ​യ ക്വാ​ർ​ട്ട​റി​ൽ അ​പാ​ര മെ​യ്‍വ​ഴ​ക്ക​ത്തോ​ടെ ര​ണ്ടു സ്​​പോ​ട്ട് കി​ക്കു​ക​ൾ ത​ട്ടി​യ​ക​റ്റി​യ മാ​ർ​ട്ടി​നെ​സ് ആ​യി​രു​ന്നു വി​ജ​യ​ശി​ൽ​പി. 

നി​കോ​ള​സ് ഒ​ട്ടാ​മെ​ൻ​ഡി Vs റാ​ഫേ​ൽ വ​രാ​നെ

അ​ർ​ജ​ന്റീ​ന​ക്കാ​യി സെ​ഞ്ച്വ​റി തി​ക​ക്കാ​നി​റ​ങ്ങു​ക​യാ​ണ് നികോളസ് ഒട്ടമെൻഡി. മി​ക​ച്ച ഫോ​മി​ലാണ് ഈ 34​കാ​ര​ൻ. ക്രി​സ്റ്റ്യ​ൻ ​റൊ​മേ​റോ​ക്കൊ​പ്പം അ​ർ​ജ​ന്റീ​ന​യു​ടെ പ്ര​തി​രോ​ധ മ​ധ്യ​ത്തി​ൽ കോ​ട്ട കെ​ട്ടു​ന്ന ഒ​ട്ടാ​മെ​ൻ​ഡി​യെ ക​ട​ന്നു​ക​യ​റാ​ൻ ലോ​ക​ക​പ്പി​ൽ അ​ധി​ക​മാ​ർ​ക്കും സാ​ധി​ച്ചി​ട്ടി​ല്ല. അ​പാ​ര​മാ​യ പോ​രാ​ട്ട​വീ​ര്യം കൈ​മു​ത​ലാ​യു​ള്ള ഒ​ട്ടാ​മെ​ൻ​ഡി ഇ​ട​ക്ക് 'ഹൈ​പ്രൊ​ഫൈ​ൽ മി​സ്റ്റേ​ക്കു'​ക​ളു​ടെ ആ​ളാ​ണെ​ങ്കി​ലും ലോ​ക​ക​പ്പി​ൽ ഇ​തു​വ​രെ അ​തൊ​ന്നു​മു​ണ്ടാ​യി​ട്ടി​ല്ല. എം​ബാ​പ്പെ​യും ജി​റൂ​ഡും ഗ്രീ​സ്മാ​നും ഉ​യ​ർ​ത്തു​ന്ന ഭീ​ഷ​ണി അ​തി​ജീ​വി​ക്കു​ന്ന​തി​ൽ ഒ​ട്ടാ​മെ​ൻ​ഡി​യു​ടെ കു​റ്റി​യു​റ​പ്പ് അ​ർ​ജ​ന്റീ​ന​ക്ക് നി​ർ​ണാ​യ​ക​മാ​വും.

സെ​ഞ്ച്വ​റി​ക്ക​രി​കെ​യാ​ണ് ഫ്രാ​ൻ​സി​ന്റെ പ്ര​ധാ​ന ഡി​ഫ​ൻ​ഡ​റാ​യ റാ​ഫേ​ൽ വ​റാ​നെ​യു​ടെ​യും സ്ഥാ​നം. 92 മ​ത്സ​ര​ങ്ങ​ളി​ൽ ഫ്ര​ഞ്ച് കു​പ്പാ​യ​മ​ണി​ഞ്ഞി​ട്ടു​ള്ള വ​രാ​നെ പൂ​ർ​ണ ശാ​രീ​രി​ക​ക്ഷ​മ​​ത​യോ​ടെ​യും ഫോ​മി​ലു​മ​ല്ല ലോ​ക​ക​പ്പി​നെ​ത്തി​യ​തെ​ങ്കി​ലും ടീ​മി​ന്റെ കു​തി​പ്പി​ൽ നി​ർ​ണാ​യ​ക സാ​ന്നി​ധ്യ​മാ​ണ് ഈ 29​കാ​ര​ൻ. ദ​യോ​ത് ഉ​പ​മെ​കാ​നോ​യും ഇ​ബ്രാ​ഹി​മ കൊ​നാ​ട്ടെ​യു​മൊ​ക്കെ മാ​റി​മാ​റി​വ​രു​മ്പോ​ഴും വ​രാ​നെ​യാ​യി​രി​ക്കും മെ​സ്സി​ക്കും സം​ഘ​ത്തി​നും ത​ട​യി​ടു​ന്ന​വ​രി​ൽ പ്ര​ധാ​നി. 

ഓ​ർ​ലീ​ൻ ഷൗ​മേ​നി Vs എ​ൻ​സോ ഫെ​ർ​ണാ​ണ്ട​സ്

ഫ്ര​ഞ്ച് കു​പ്പാ​യ​ത്തി​ൽ 20 മ​ത്സ​ര​ങ്ങ​ളു​ടെ പ​രി​ച​യ​മേ​യു​ള്ളൂ ഷൗ​മേ​നി​ക്ക്. എ​ന്നാ​ൽ അ​ന​വ​ധി വ​ർ​ഷ​ങ്ങ​ളു​ടെ പ​രി​ച​യ​സ​മ്പ​ത്തു​ള്ള​തു​പോ​ലെ​യാ​ണ് 22കാ​ര​ന്റെ ക​ളി. എ​ൻ​ഗോ​ളോ കാ​ന്റെ​യെ​യും പോ​ൾ പോ​ഗ്ബ​യെ​യും പോ​ലു​ള്ള പ്ര​മു​ഖ​ർ കൈ​കാ​ര്യം ചെ​യ്തി​രു​ന്ന ഫ്ര​ഞ്ച് മ​ധ്യ​നി​ര ഇ​പ്പോ​ൾ ഭ​രി​ക്കു​ന്ന​ത് ഷൗ​മേ​നി​യാ​ണ്. ലോ​ക​ക​പ്പി​ൽ ആ​റു ക​ളി​ക​ളും ക​ളി​ച്ച താ​രം ഒ​രു ഗോ​ളും നേ​ടി​യി​ട്ടു​ണ്ട്. ഫ്ര​ഞ്ച് ടീ​മി​ന്റെ എ​ൻ​ജി​ൻ റൂ​മാ​ണി​പ്പോ​ൾ ഈ ​റ​യ​ൽ മ​ഡ്രി​ഡ് താ​രം.

ഷൗ​മേ​നി​യെ​ക്കാ​ൾ ഒ​രു വ​യ​സ്സ് കു​റ​വു​ള്ള എ​ൻ​സോ ഫെ​ർ​ണാ​ണ്ട​സി​ന് ദേ​ശീ​യ ടീം ​ജ​ഴ്സി​യി​ൽ അ​തി​ലും കു​റ​വ് മ​ത്സ​ര പ​രി​ച​യ​മേ​യു​ള്ളൂ. അ​ർ​ജ​ന്റീ​ന​ക്കാ​യി ഒ​മ്പ​ത് ക​ളി​ക​ൾ മാ​ത്രം ക​ളി​ച്ച താ​ര​മി​പ്പോ​ൾ മ​ധ്യ​നി​ര​യി​ലെ പ്ര​ധാ​നി​യാ​ണ്. ലോ​ക​ക​പ്പി​ൽ ആ​ദ്യ ര​ണ്ടു ക​ളി​ക​ളി​ലും പ​ക​ര​ക്കാ​ര​നാ​യി ഇ​റ​ങ്ങി​യ എ​ൻ​സോ മെ​ക്സി​കോ​ക്കെ​തി​രെ ഗോ​ൾ നേ​ടി​യ​തോ​ടെ ആ​ദ്യ ഇ​ല​വ​നി​ലെ സ്ഥി​ര​സാ​ന്നി​ധ്യ​മാ​യി.

അ​​ന്റോ​യി​ൻ ഗ്രീ​സ്മാ​ൻ Vs റോ​ഡ്രി​ഗോ ഡി​പോ​ൾ

ഈ ​ലോ​ക​ക​പ്പി​​ലി​തു​വ​രെ ഗോ​ളൊ​ന്നും നേ​ടി​യി​ട്ടി​ല്ലെ​ങ്കി​ലും ഫ്രാ​ൻ​സ് ടീ​മി​ലെ പ്ര​ധാ​നി​യാ​ണ് ഗ്രീ​സ്മാ​ൻ. ഫ്ര​ഞ്ച് ടീ​മി​നെ ച​ലി​പ്പി​ക്കു​ന്ന 31കാ​ര​ന്റെ ചി​റ​കി​ലേ​റി​യാ​ണ് എം​ബാ​പ്പെ​യും ജി​റൂ​ഡു​മൊ​ക്കെ ഗോ​ളു​ക​ള​ടി​ച്ചു​കൂ​ട്ടു​ന്ന​ത്. മൂ​ന്നു അ​സി​സ്റ്റു​ക​ൾ ഗ്രീ​സ്മാ​ന്റെ പേ​രി​ലു​ണ്ട്. ദേ​ശീ​യ ടീ​മി​നാ​യി സെ​ഞ്ച്വ​റി തി​ക​ച്ചി​ട്ടു​ണ്ട്

ഗോ​ളോ അ​സി​​സ്റ്റോ ഇ​ല്ലെ​ങ്കി​ലും അ​ർ​ജ​ന്റീ​ന ടീ​മി​ന്റെ മ​ധ്യ​നി​ര​യു​ടെ ന​ട്ടെ​ല്ലാ​ണ് ​ഡി​പോ​ൾ. ആ​ക്ര​മ​ണ​ത്തി​നും പ്ര​തി​രോ​ധ​ത്തി​നു​മി​ട​യി​ലെ ലി​ങ്കാ​യ 28കാ​ര​നാ​ണ് ടീ​മി​ന്റെ ക​ളി​യു​ടെ ടെം​പോ നി​യ​ന്ത്രി​ക്കു​ന്ന​ത്. ദേ​ശീ​യ ടീ​മി​നാ​യി അ​ർ​ധ സെ​ഞ്ച്വ​റി തി​ക​ച്ചു​ക​ഴി​ഞ്ഞു അ​ത്‍ല​റ്റി​കോ​യി​ൽ ഗ്രീ​സ്മാ​​ന്റെ സ​ഹ​താ​ര​മാ​യ ഡി​പോ​ൾ. 

ഒ​ളി​വി​യ​ർ ജി​റൂ​ഡ് Vs ജൂ​ലി​യ​ൻ അ​ൽ​വാ​ര​സ്

എ​ക്കാ​ല​ത്തും ഫ്രാ​ൻ​സി​ന്റെ ര​ണ്ടാം സ്ട്രൈ​ക്ക​റാ​യ ഒ​ളി​വി​യ​ർ ജി​റൂ​ഡാ​ണ് ദേ​ശീ​യ ടീ​മി​ന്റെ എ​ക്കാ​ല​ത്തെ​യും ടോ​പ്സ്കോ​റ​ർ. 119 മ​ത്സ​ര​ങ്ങ​ളി​ൽ 53 ഗോ​ൾ നേ​ടി​ക്ക​ഴി​ഞ്ഞ 36കാ​ര​ൻ ​ഫ്രീ​യാ​യി സ്കോ​ർ ചെ​യ്യു​ന്ന​​തി​നാ​ൽ ക​രീം ബെ​ൻ​സേ​മ​യു​ടെ അ​ഭാ​വം ടീം ​അ​റി​യു​ന്ന​തേ​യി​ല്ല. എം​ബാ​പ്പെ​ക്ക് കു​റ​ച്ചു​കൂ​ടി സ്വ​ത​ന്ത്ര​മാ​യി ക​ളി​ക്കാ​നും ജി​റൂ​ഡി​ന്റെ സാ​ന്നി​ധ്യം ഗു​ണം ചെ​യ്യു​ന്നു.

ഖ​ത്ത​റി​ലെ​ത്തു​മ്പോ​ൾ ടീ​മി​ലെ പ്ര​ധാ​ന സെ​ൻ​ട്ര​ൽ സ്ട്രൈ​ക്ക​റാ​യി​രു​ന്നി​ല്ല ജൂ​ലി​യ​ൻ അ​ൽ​വാ​ര​സ്. എ​ന്നാ​ൽ, ടീം ​ഫൈ​ന​ലി​ലെ​ത്തു​മ്പോ​ൾ നാ​ലു ഗോ​ളു​മാ​യി മെ​സ്സി​ക്കൊ​ത്ത കൂ​ട്ടാ​ളി​യാ​യ 22കാ​ര​നാ​ണി​പ്പോ​ൾ മു​ൻ​നി​ര​യി​ലെ മു​ഖ്യ ചോ​യ്സ്. 18 ക​ളി​ക​ളി​ൽ ദേ​ശീ​യ ടീ​മി​നാ​യി ഏ​ഴു​ ഗോ​ളു​ക​ളാ​ണ് മാ​ഞ്ച​സ്റ്റ​ർ സി​റ്റി താ​ര​ത്തി​ന്റെ സ​മ്പാ​ദ്യം.

ല​യ​ണ​ൽ മെ​സ്സി Vs കി​ലി​യ​ൻ എം​ബാ​പ്പെ

മു​ഖ​വു​ര​ക​ൾ വേ​ണ്ടാ​ത്ത പോ​രാ​ട്ടം. അ​ഞ്ചു ഗോ​ളു​ക​ളു​മാ​യി ഇ​രു​ടീ​മു​ക​ളു​ടെ​യും മു​ന്നേ​റ്റ​ത്തി​ന് ചു​ക്കാ​ൻ പി​ടി​ക്കു​ന്ന​വ​ർ. 35ാം വ​യ​സ്സി​ൽ ര​ണ്ടാം ​ഫൈ​ന​ൽ ക​ളി​ക്കു​ന്ന മെ​സ്സി​യു​ടെ ല​ക്ഷ്യം ക​ന്നി ലോ​ക​ക​പ്പ് ആ​ണെ​ങ്കി​ൽ 23ാം വ​യ​സ്സി​ൽ ര​ണ്ടാം ലോ​ക​കി​രീ​ട​ത്തി​ലാ​ണ് എം​ബാ​പ്പെ​യു​ടെ ക​ണ്ണ്.

അ​ർ​ജ​ന്റീ​ന കു​പ്പാ​യ​ത്തി​ൽ 171 ക​ളി​ക​ളി​ൽ 96 ഗോ​ളു​ക​ളാ​ണ് മെ​സ്സി​യു​ടെ നേ​ട്ടം. എം​ബാ​പ്പെ ഫ്രാ​ൻ​സി​നാ​യി 65 മ​ത്സ​ര​ങ്ങ​ളി​ൽ 33 ഗോ​ളു​ക​ൾ നേ​ടി​ക്ക​ഴി​ഞ്ഞു. പി.​എ​സ്.​ജി​യി​ൽ സ​ഹ​താ​ര​ങ്ങ​ളാ​യ ഇ​രു​വ​രു​ടെ​യും കാ​ലു​ക​ളി​ലേ​ക്കാ​ണ് ഇ​രു​ടീ​മു​ക​ളും ഫൈ​ന​ലി​ൽ ഉ​റ്റു​നോ​ക്കു​ന്ന​ത്.