ടി​ക്കി ടാ​ക്ക സ്പാ​നി​ഷ് മ​സാ​ല

ഫു​ട്ബാ​ളി​ലെ കാ​ള​ക്കൂ​റ്റ​ന്മാ​രെ​ന്നും മ​റ്റ​ഡോ​റെ​ന്നും പേ​രു​ള്ള സ്പെ​യി​ൻ ഇ​ത്ത​വ​ണ ഖ​ത്ത​റി​ലെ​ത്തു​ന്ന​ത് ര​ണ്ടാ​മ​തൊ​രു കി​രീ​ട​വും സ്വ​പ്നം ക​ണ്ടാ​ണ്. യോ​ഗ്യ​ത റൗ​ണ്ടി​ലെ എ​ട്ടു ക​ളി​ക​ളി​ൽ ആ​റു ജ​യ​വും ഒ​രു തോ​ൽ​വി​യും ഒ​രു സ​മ​നി​ല​യും നേ​ടി​യാ​ണ് ഇ​വ​രു​ടെ വ​ര​വ്. സ്വീ​ഡ​നെ എ​തി​രി​ല്ലാ​ത്ത ഒ​രു ഗോ​ളി​ന് പ​രാ​ജ​യ​പ്പെ​ടു​ത്തി​യ​തോ​ടെ​യാ​ണ് ഗ്രൂ​പ് 'ഇ'​യി​ൽ സ്പെ​യി​ൻ ബെ​ർ​ത്തു​റ​പ്പി​ച്ച​ത്. കു​ഞ്ഞ​ൻ പാ​സു​ക​ളി​ലൂ​ടെ ഗോ​ൾ പോ​സ്റ്റ് വ​രെ പ​ന്തെ​ത്തി​ക്കു​ന്ന ടി​ക്കി ടാ​ക്ക രീ​തി​യാ​ണ് സ്പെ​യി​നി​ന്റേ​ത്. ഏ​റ്റ​വും മ​നോ​ഹ​ര​മാ​യ പാ​സു​ക​ളി​ലൂ​ടെ ആ​രാ​ധ​ക​രെ വി​സ്മ​യം കൊ​ള്ളി​ച്ച വ​ർ​ഷ​മാ​യി​രു​ന്നു 2010. ആ​ദ്യ​മാ​യി ലോ​ക​കി​രീ​ട​മ​ണി​ഞ്ഞ​തും ഇ​തേ വ​ർ​ഷ​മാ​യി​രു​ന്നു. 2014ലെ ​ലോ​ക​ക​പ്പി​ൽ ടീം ​ന​ന്നാ​യി ക​ളി​ച്ചു തു​ട​ങ്ങി​യി​രു​ന്നെ​ങ്കി​ലും ഗ്രൂ​പ് ഘ​ട്ടം ക​ട​ക്കാ​തെ പു​റ​ത്താ​വേ​ണ്ടി​വ​ന്നു.

പ്ര​തി​രോ​ധ നി​ര​യി​ലും മി​ഡ്ഫീ​ൽ​ഡി​ലും മി​ക​ച്ച താ​ര​ങ്ങ​ളു​ള്ള സ്പെ​യി​ൻ ഇ​ത്ത​വ​ണ ടി​ക്കി ടാ​ക്ക​ക്കൊ​പ്പം ക​ളി​യു​ടെ രീ​തി മാ​റ്റു​മോ എ​ന്ന​ത് ക​ണ്ട​റി​യ​ണം. അ​ൽ​വാ​രോ മൊ​റാ​റ്റ, പാ​ബ്ലോ സെ​ർ​ബി​യ, ഫെ​റാ​ൻ ടോ​റ​സ്, സെ​ർ​ജി​യോ ബു​സ്ക​റ്റ്സ് തു​ട​ങ്ങി​യ താ​ര​നി​ര മൈ​താ​ന​ത്ത് പൊ​രു​താ​നി​റ​ങ്ങു​മ്പോ​ൾ കൂ​ടെ നി​കോ വി​ല്യം​സ​ട​ക്ക​മു​ള്ള ചെ​റു​പ്പ​ക്കാ​രും ക​ളി​ക്ക​ള​ത്തി​ൽ പോ​രി​നു​ണ്ടാ​വും. യൂ​റോ​പ്പി​ലെ ആ​രാ​ധ​ക​ർ​ക്ക് പു​റ​മെ ഏ​ഷ്യ​യി​ലും നി​ര​വ​ധി ആ​രാ​ധ​ക​രു​ള്ള ടീ​മാ​ണ് സ്പെ​യി​ൻ. 1934ലാ​ണ് ആ​ദ്യ​മാ​യി ലോ​ക​ക​പ്പ് ക​ളി​ച്ച​ത്. ക​രു​ത്ത​രാ​യ ബ്ര​സീ​ലി​നെ​യും ഇ​റ്റ​ലി​യെ​യും ഇം​ഗ്ല​ണ്ടി​നെ​യും പ​രാ​ജ​യ​പ്പെ​ടു​ത്തി​യി​ട്ടു​ള്ള സ്പെ​യി​ൻ ഖ​ത്ത​റി​ലും വാ​ശി​യോ​ടെ​യാ​യി​രി​ക്കും അ​ങ്ക​ത്തി​നൊ​രു​ങ്ങു​ക. 16 ത​വ​ണ ലോ​ക​ക​പ്പ് ക​ളി​ച്ച പ​രി​ച​യ​വും ടീ​മി​നു​ണ്ട്. യൂ​റോ​പ്യ​ൻ ചാ​മ്പ്യ​ൻ​ഷി​പ്പി​ൽ മൂ​ന്നു ത​വ​ണ​യാ​ണ് ഈ ​സ്പാ​നി​ഷ് പ​ട കി​രീ​ടം നേ​ടി​യ​ത്.

കു​ന്ത​മു​ന

 ക്യാ​പ്റ്റ​ൻ സെ​ർ​ജി​യോ ബു​സ്ക​റ്റ്സും അ​ൽ​വാ​രോ മൊ​റാ​റ്റ​യു​മാ​ണ് ഗോ​ള​വ​സ​ര​ങ്ങ​ൾ ഒ​രു​ക്കു​ന്ന​തി​ലും ഗോ​ളു​ക​ൾ നേ​ടു​ന്ന​തി​ലും മി​ടു​ക്ക​ർ. സ്ട്രൈ​ക്ക​റാ​യ അ​ൽ​വാ​രോ പ​ന്തി​നെ അ​നാ​യാ​സം കാ​ലു​ക​ളി​ലെ​ടു​ക്കു​ക​യും ഫി​നി​ഷ് ചെ​യ്യു​ന്ന​തി​ലും മി​ക​വ് കാ​ണി​ക്കാ​റു​ണ്ട്. റി​യ​ൽ മ​ഡ്രി​ഡ് 'ബി' ​ടീ​മി​ൽ തു​ട​ങ്ങി ജു​വ​ന്റ​സ്, ചെ​ൽ​സി, അ​ത്‍ല​റ്റി​കോ മ​ഡ്രി​ഡ് തു​ട​ങ്ങി​യ ടീ​മു​ക​ളി​ലെ​ല്ലാം അ​ൽ​വാ​രോ ത​ന്റെ മി​ക​വ് തെ​ളി​യി​ച്ചി​ട്ടു​ണ്ട്. അ​നാ​യാ​സം ഗോ​ള​ടി​ക്കാ​നു​ള്ള ഇ​ദ്ദേ​ഹ​ത്തി​ന്റെ ക​ഴി​വി​ൽ പ​ല​പ്പോ​ഴും സ്പെ​യി​ൻ ആ​രാ​ധ​ക​ർ ആ​വേ​ശ​ത്തി​ലു​മാ​യി​രു​ന്നു.

അ​ണ്ട​ർ 17 സ്പെ​യി​ൻ ദേ​ശീ​യ ടീ​മി​ൽ ക​ളി​ച്ചു തു​ട​ങ്ങി​യ ഇ​ദ്ദേ​ഹം 2014 മു​ത​ലാ​ണ് സ്പെ​യി​ൻ ടീ​മി​ൽ പ​ന്ത് ത​ട്ടി​യ​ത്. 2014ന് ​ശേ​ഷം ത​ന്റെ രാ​ജ്യ​ത്തി​നാ​യി ഇ​തു​വ​രെ 27 ഗോ​ളു​ക​ളും അ​ൽ​വാ​രോ നേ​ടി​യി​ട്ടു​ണ്ട്. സ്പെ​യി​ൻ ര​ണ്ടു ത​വ​ണ അ​ണ്ട​ർ 21 യൂ​റോ​പ്യ​ൻ ചാ​മ്പ്യ​ൻ​ഷി​പ് നേ​ടി​യ​പ്പോ​ഴും അ​ൽ​വാ​രോ​യു​ടെ പ​ങ്ക് വ​ലു​താ​യി​രു​ന്നു. ടീ​മി​ലെ ഡി​ഫ​ൻ​സി​വ് മി​ഡ്ഫീ​ൽ​ഡ​റാ​ണ് സെ​ർ​ജി​യോ. ബാ​ഴ്സ​ലോ​ണ​യി​ൽ ക​ളി​ക്കു​ന്ന സെ​ർ​ജി​യോ അ​ട​വു​ക​ൾ പ​യ​റ്റു​ന്ന​തി​ൽ മി​ടു​ക്ക​നാ​ണ്. 2010ൽ ​സ്പെ​യി​ൻ ലോ​ക​ക​പ്പ് നേ​ടി​യ​പ്പോ​ഴും 2012ൽ ​യൂ​റോ​പ്യ​ൻ ചാ​മ്പ്യ​ൻ​ഷി​പ് നേ​ടി​യ​പ്പോ​ഴും ഇ​ദ്ദേ​ഹ​ത്തി​ന്റെ പ​ങ്ക് ടീ​മി​ന് മു​ത​ൽ​ക്കൂ​ട്ടാ​യി​രു​ന്നു. ത​ന്റെ ടീ​മി​നെ സാ​ഹ​ച​ര്യ​ങ്ങ​ൾ​ക്ക​നു​സ​രി​ച്ച് മൈ​താ​ന​ത്ത് സ​ജ്ജ​രാ​ക്കു​ന്ന​തി​ലും മി​ടു​ക്ക​നാ​ണ്.

ആ​ശാ​ൻ

സ്പെ​യി​ൻ ദേ​ശീ​യ ടീ​മി​ലും ബാ​ഴ്സ​ലോ​ണ​യി​ലും ക​ളി​ച്ചി​രു​ന്ന ലൂ​യി​സ് എ​ൻ​റി​കാ​ണ് സ്പെ​യി​നി​ന്റെ ആ​ശാ​ൻ. മി​ഡ്ഫീ​ൽ​ഡ​റാ​യും മു​ന്നേ​റ്റ താ​ര​മാ​യും ക​ളം നി​റ​ഞ്ഞു നി​ന്നി​രു​ന്ന ഇ​ദ്ദേ​ഹം ത​ന്റെ സീ​നി​യ​ർ ക​രി​യ​റി​ൽ 162 ഗോ​ളു​ക​ൾ നേ​ടി​യി​ട്ടു​ണ്ട്. സ്പെ​യി​നി​നാ​യി 12 ഗോ​ളു​ക​ളും നേ​ടി​ക്കൊ​ടു​ത്തു.

വി​വി​ധ പൊ​സി​ഷ​നു​ക​ളി​ൽ ക​ളി​ച്ചു​ള്ള ഇ​ദ്ദേ​ഹ​ത്തി​ന്റെ പ​രി​ച​യ​സ​മ്പ​ത്തും നി​ർ​ദേ​ശ​ങ്ങ​ളും ടീ​മി​ന് ഏ​റെ ഗു​ണം ചെ​യ്യും. ബാ​ഴ്സ​ലോ​ണ​യെ​യാ​ണ് ആ​ദ്യ​മാ​യി പ​രി​ശീ​ലി​പ്പി​ച്ചു തു​ട​ങ്ങി​യ​ത്. 2018 മു​ത​ൽ സ്പെ​യി​നി​ന്റെ മു​ഖ്യ പ​രി​ശീ​ല​ക​നാ​ണ്. ലാ ​ലി​ഗ ബ്രേ​ക്ക് ത്രൂ ​പ്ലെ​യ​റാ​യി 1990ൽ ​ഇ​ദ്ദേ​ഹ​ത്തെ തി​ര​ഞ്ഞെ​ടു​ത്തി​രു​ന്നു.