സ്റ്റോക്ഹോം: ഖത്തർ ലോകകപ്പിൽ അമേരിക്കൻ ഉപഭൂഖണ്ഡത്തിന്റെ സ്വപ്നങ്ങൾക്ക് സാക്ഷാത്കാരം നൽകാനെത്തുന്ന മെക്സിക്കോക്ക് ഷോക്കായി സന്നാഹത്തിലെ തോൽവി. യൂറോപ്യൻ േപ്ലഓഫ് തോറ്റ് പുറത്തായ സ്വീഡനാണ് ടീമിനെ 2-1ന് മറികടന്നത്. 54ാം മിനിറ്റിൽ ലീഡ് പിടിച്ച് സ്വീഡനാണ് ആദ്യം മുന്നിലെത്തിയത്. മെക്സിക്കൻ മധ്യനിരയെയും പ്രതിരോധത്തെയും മനോഹരമായി ഡ്രിബ്ൾ ചെയ്ത് എത്തിയ മതിയാസ് സ്വാൻബർഗ് മറിച്ചുനൽകിയ പാസ് അനായാസം വലയിലെത്തിച്ച് മാർകസ് റോഡനാണ് ആദ്യ ഗോൾ നേടിയത്. അഞ്ചു മിനിറ്റ് കഴിഞ്ഞ് മെക്സിക്കോ വിങ്ങർ അലക്സിസ് വെഗ ടീമിനെ ഒപ്പമെത്തിച്ചു. ഹെക്ടർ ഹെരേരയുടെ പാസിലായിരുന്നു ലക്ഷ്യം കണ്ടത്.
അതിവേഗ നീക്കങ്ങളുമായി ഇരുടീമും മനോഹര ഗെയിം പുറത്തെടുത്ത കളിയുടെ 84ാം മിനിറ്റിൽ സ്വാൻബർഗ് സ്വീഡന്റെ വിജയഗോൾ നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.