കൊച്ചി: സംസ്ഥാനത്തെ മുതിർന്ന ഹോക്കി താരങ്ങളുടെ സംഘടനയുടെ നേതൃത്വത്തില്‍ ഇന്ത്യയെ പ്രതിനിധാനം ചെയ്ത മലയാളികളായ ഹോക്കി താരങ്ങളെ ആദരിക്കും. ഈമാസം എട്ടിന് കൊല്ലം ഹോക്കി സ്റ്റേഡിയത്തില്‍ നടക്കുന്ന ചടങ്ങിലാണ് ആദരിക്കൽ. ഇതോടൊപ്പം സീനിയര്‍ ഹോക്കി കളിക്കാരുടെ സംഘടനയായ സീനിയര്‍ പ്ലയേഴ്സ് അസോസിയേഷന്‍ ഓഫ് ഹോക്കി(സ്പാ)യുടെ ഉദ്ഘാടനവും ലോഗോ പ്രകാശനവും നടക്കും.
ഒളിമ്പ്യന്‍മാരായ ശ്രീജേഷ്, ദിനേശ് നായിക്, അനില്‍ ആല്‍ഡ്രിന്‍, സാബു വര്‍ക്കി എന്നിവര്‍ക്ക് പുറമെ അന്താരാഷ്ട്ര മത്സരങ്ങളില്‍ ഇന്ത്യയെ പ്രതിനിധാനം ചെയ്ത മലയാളികളായ റൂഫസ് ഡിസൂസ, ജോര്‍ജ് നൈനാന്‍, ബിപിന്‍ ഫെര്‍ണാണ്ടസ് എന്നിവരെയാണ് ആദരിക്കുന്നത്. സീനിയര്‍ പ്ലയേഴ്സ് അസോസിയേഷന്‍ ഓഫ് ഹോക്കി കേരളത്തിന് വേണ്ടി ഹോക്കി കളിച്ച സീനിയര്‍ കളിക്കാരുടെ സംഘടനയാണ്. നിലവില്‍ 70ലേറെ അംഗങ്ങളുണ്ട്. മുന്‍കാല കളിക്കാരായ കെ.ഐ. ഡാമിയന്‍ (പ്രസി), സുനില്‍ ഡി. ഇമ്മട്ടി (സെക്ര), ടി.പി. മന്‍സൂര്‍ (ട്രഷ) എന്നിവര്‍ ഭാരവാഹികളായ 17 അംഗ കമ്മിറ്റി നിലവില്‍ വന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.