ദുബൈ: ദുബൈയില്‍ നടന്ന പ്രഥമ വേള്‍ഡ് പാഡല്‍ ലീഗ് 2023 ടൂര്‍ണമെന്‍റില്‍ പാന്തേഴ്സ് ടീമിനെ പരാജയപ്പെടുത്തി ജാഗ്വാര്‍സ് ചാമ്പ്യന്മാരായി. ദുബൈ സ്പോര്ട്സ് കൗണ്‍സിലിന്‍റെയും ദുബൈ ഇക്കണോമി ആൻഡ് ടൂറിസം വകുപ്പിന്‍റെയും സഹകരണത്തോടെയായിരുന്നു മത്സരം. ഓപണിങ് സെറ്റില്‍ പാന്തേഴ്സിന്‍റെ അലക്സ് റൂയിസിനെയും ബി ഗോണ്സാലസിനെയും 6-3ന് തോല്പിച്ച് സാന്യോ ഗുട്ടറസും കരോലിന നവാരോയും ജാഗ്വാര്‍സിന് വിജയത്തുടക്കം സമ്മാനിച്ചു.
പ്രവാസി മലയാളിയായ ഡോ. ഷാനിദ് മംഗലാട്ടിന്‍റേതാണ് പാന്തേഴ്സ് ടീം. പ്രമുഖ ഇ-കോമേഴ്സ് പോര്‍ട്ടലായ ‘ourshoppee.com ആണ് പാന്തേഴ്സിന്‍റെ സ്പോണ്സര്. ചാമ്പ്യന്മാരായ ജാഗ്വാര്‍സിന് 5,50,000 ദിര്‍ഹവും രണ്ടാം സ്ഥാനക്കാരായ പാന്തേഴ്സിന് 2,75,000 ദിര്‍ഹവും സമ്മാനത്തുക ചടങ്ങില്‍ സമ്മാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.