കാലിഫോർണിയ: വാട്സ് ആപ്പ് ഉപയോഗിക്കുന്ന എല്ലാവരും ആഗ്രഹിക്കുന്ന ഫീച്ചർ ആണ് അയച്ച മെസേജുകൾ ഡിലീറ്റ് ചെയ്യാനുള്ള സംവിധാനം. ഇപ്പോൾ വാട്സ് ആപ്പിൽ മെസേജ് അയച്ച് കഴിഞ്ഞാൽ അത് ഡിലീറ്റ് ചെയ്യാനോ എഡിറ്റ് ചെയ്യാനോ സാധിക്കില്ല. എന്നാൽ പുതിയ ഫീച്ചർ പ്രകാരം അയച്ച മെസേജുകൾ സ്വീകരിക്കുന്ന വ്യക്തി വായിക്കുന്നതിന് മുമ്പായി ഇനി ഡിലീറ്റ് ചെയ്യാനും എഡിറ്റ് ചെയ്യാനും സാധിക്കും. വാട്സ് ആപ്പിെൻറ ബീറ്റ വേർഷനിലാണ് പുതിയ ഫീച്ചർ അവതരിപ്പിക്കുന്നത്.
അയച്ച വാട്സ് ആപ്പ് മെസേജ് എഡിറ്റ് ചെയ്യുന്നതിെൻറ വിഡിയോ നേരത്തെ തന്നെ ട്വിറ്ററിലൂടെ പുറത്ത് വന്നിരുന്നു. ഇതിന് പിന്നാലെയാണ് ഇൗ ഫീച്ചർ വാട്സ് ആപ്പിെൻറ പുതിയ ബീറ്റ വേർഷനിൽ ഉൾപ്പെടുമെന്ന വാർത്തകൾ പുറത്ത് വരുന്നത്. വാട്സ് ആപ്പിെൻറ ആൻഡ്രോയിഡ് 2.17.25, 2.17.26 എന്നീ പതിപ്പുകളിലാണ് പുതിയ ഫീച്ചർ ഉണ്ടാവുക. ഗ്രൂപ്പ് ചാറ്റിലും സന്ദേശങ്ങൾ ഇത്തരത്തിൽ എഡിറ്റ് ചെയ്യാൻ സാധിക്കും. അവസാനം അയച്ച സന്ദേശമാണ് എഡിറ്റ് ചെയ്യാൻ സാധിക്കുക. മുമ്പ് അയച്ച സന്ദേശങ്ങൾ ഇത്തരത്തിൽ എഡിറ്റ് ചെയ്യാൻ സാധിക്കില്ല.
െഎഫോൺ ഉപഭോക്താകൾക്ക് നിരവധി പുതിയ സംവിധാനങ്ങൾ വാട്സ് ആപ്പ് അവതരിപ്പിച്ചിരുന്നു. ഒരു തവണ വാട്സ് ആപ്പിലൂടെ അയക്കാൻ കഴിയുന്ന വിഡിയോകളുടെയും ചിത്രങ്ങളുടെയും എണ്ണത്തിൽ വർധന വരുത്തിയിരുന്നു. അതുപോലെ െഎഫോൺ ഉപയോഗിക്കുന്നവർക്ക് ഇൻറർനെറ്റ് ഇല്ലാതെ വാട്സ് ആപ്പ് വഴി സന്ദേശങ്ങൾ അയക്കാനുള്ള സംവിധാനവും കമ്പനി അവതരിപ്പിച്ചിരുന്നു. ഇതിന് പിന്നാലെയാണ് വാട്സ് ആപ്പിെൻറ ആൻഡ്രോയിഡ് പതിപ്പിലും പുതിയ സംവിധാനങ്ങൾ കമ്പനി അവതരിപ്പിക്കാനൊരുങ്ങുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.