ഇന്ത്യ-ചൈന അതിർത്തിയിലുണ്ടായ സംഘർഷത്തിന് പിന്നാലെ രാജ്യത്ത് നിരോധിച്ച ചൈനീസ് ആപ്പുകളിൽ പ്രധാനിയായിരുന്നു പ്രശസ്ത ഗെയിമായ പബ്ജി മൊബൈൽ. ടെൻസെൻറ് എന്ന ചൈനീസ് ഗെയിമിങ് കമ്പനിയുമായി ബന്ധപ്പെട്ട് ഉയർന്നുവന്ന സുരക്ഷാ പ്രശ്നങ്ങളും വിവരച്ചോർച്ചയുമൊക്കെയായിരുന്നു പബ്ജിക്ക് തിരിച്ചടിയായത്. എന്നാൽ, ടെൻസൻറുമായുള്ള കൂട്ടുകെട്ട് മുറിച്ചുമാറ്റിയെന്ന് അവകാശപ്പെട്ടുകൊണ്ട് കൊറിയൻ കമ്പനിയായ ക്രാഫ്റ്റൺ മാസങ്ങൾക്ക് ശേഷം 'ബാറ്റിൽഗ്രൗണ്ട്സ് മൊബൈൽ ഇന്ത്യ' എന്ന പേരിൽ ഇന്ത്യയിൽ പുതിയ ഗെയിം ലോഞ്ച് ചെയ്തു.
നിലവിൽ ബീറ്റ വേർഷനിൽ കുറച്ചുപേർക്കായി മാത്രം അവതരിപ്പിച്ച ഗെയിം വൈകാതെ പ്ലേസ്റ്റോറിലൂടെ എല്ലാവർക്കും ഡൗൺലോഡ് ചെയ്യാൻ കഴിയും. പേര് മാറ്റിയെങ്കിലും സവിശേഷതകൾ പരിശോധിച്ചാൽ പഴയ പബ്ജി മൊബൈൽ തന്നെയാണ് ബാറ്റിൽഗ്രൗണ്ട്സ് മൊബൈൽ ഇന്ത്യ എന്ന ഗെയിം. എന്നാൽ, ഇന്ത്യയിലുള്ളവർക്ക് മാത്രം കളിക്കാൻ കഴിയുന്ന വിധത്തിലാണ് ക്രാഫ്റ്റൺ 'ബി.ജി.എം.െഎയെ' ഒരുക്കിയിട്ടുള്ളത്.
ഇന്ത്യയിലെ പബ്ജി പ്രേമികൾ ആവേശത്തോടെ ലോഞ്ചിന് കാത്തിരിക്കവേ, ഗെയിം നിരോധിക്കാൻ ആവിശ്യപ്പെട്ടുകൊണ്ട് കേന്ദ്ര സർക്കാരിന് കത്തെഴുതിയിരിക്കുകയാണ് ഒരു കൂട്ടർ. കോൺഫഡറേഷൻ ഒാഫ് ഒാൾ ഇന്ത്യ ട്രേഡേഴ്സാണ് െഎ.ടി മന്ത്രി രവിശങ്കർ പ്രസാദിന് നിവേദനം നൽകിയത്. 'ബാറ്റിൽഗ്രൗണ്ട്സ് മൊബൈൽ ഇന്ത്യ എന്ന പേരിൽ ഇന്ത്യയിൽ റീലോഞ്ച് ചെയ്യുന്ന പബ്ജി മൊബൈൽ നിരോധിക്കണം' -എന്നാണ് അവർ കത്തിൽ പറയുന്നത്.
The foreign or foreign funded companies are treating India as a banana republic & they don't care for policies or rules of @mygovindia . It's time when strict action be taken against them by CIM Shri @PiyushGoyal & @GoI_MeitY Minister Shri @rsprasad @Suhelseth @AdvaitaKala https://t.co/W1sMC1dFXB
— Praveen Khandelwal (@praveendel) June 20, 2021
''ഗെയിം ഇന്ത്യക്കാർക്ക് വേണ്ടി മാത്രമായുള്ളതാണെങ്കിലും ഡൗൺലോഡ് ചെയ്ത കളിക്കുന്നവരുടെ സ്വകാര്യ വിവരങ്ങൾ സിംഗപ്പൂരിലേക്കും മറ്റ് രാജ്യങ്ങളിലേക്കും കൈമാറപ്പെടുമെന്നും അതോടെ ഇന്ത്യൻ ഇതര നിയമം ഉപയോക്തൃ ഡാറ്റയ്ക്ക് ബാധകമായേക്കുമെന്നും," കത്തിൽ സി.എ.ഐ.ടി പരാമർശിക്കുന്നുണ്ട്.
കൂടാതെ കഴിഞ്ഞ വർഷം ഇന്ത്യയിൽ നിരോധിച്ച പബ്ജി മൊബൈലിൽ നിന്നുള്ള ഫീച്ചറുകൾ അപ്ലിക്കേഷനിൽ ഉണ്ടാകുമെന്നും, ഗെയിമിെൻറ പ്രീ-രജിസ്ട്രേഷൻ തുടങ്ങിയ പ്ലേ സ്റ്റോറിൽ pubg.imobile എന്ന് കാണിക്കുന്നുണ്ടെന്നും കത്തിൽ അവർ പ്രത്യേകമായി എടുത്തുപറയുന്നു. പ്ലേസ്റ്റോറിൽ ആപ്പിന് ഇടം അനുവദിക്കരുതെന്ന് ഗൂഗ്ളിനോടും അവർ അഭ്യർഥിച്ചിട്ടുണ്ട്. രാജ്യത്തിെൻറ സുരക്ഷയ്ക്ക് ഹാനികരമായേക്കാവുന്ന കമ്പനികൾക്ക് ഗൂഗ്ൾ അവരുടെ പ്ലാറ്റ്ഫോം അനുവദിക്കരുതെന്നും സി.എ.ഐ.ടി ആവശ്യപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.