ഇൻസ്റ്റഗ്രാം കഴിഞ്ഞ വർഷം അവതരിപ്പിച്ച ഷോർട്ട് വിഡിയോ ക്ലിപ് സേവനമായ റീൽസിന് മികച്ച പ്രതികരണമാണ് ഉപയോക്താക്കളിൽ നിന്ന് ലഭിക്കുന്നത്. കഴിഞ്ഞമാസം റീൽസിൽ പരസ്യങ്ങൾ കൊണ്ടു വരുമെന്ന് ഉടമസ്ഥരായ ഫേസ്ബുക്ക് പ്രഖ്യാപിച്ചിരുന്നു. ഇതിന് പിന്നാലെ റീൽസിൽ വിഡിയോകൾ പോസ്റ്റ് ചെയ്യുന്നവർക്ക് പണം നൽകാൻ ഫേസ്ബുക്ക് ഒരുങ്ങുന്നുവെന്നാണ് റിപ്പോർട്ട്.
ഫേസ്ബുക്ക് ഉൾപ്പടെയുള്ള ആപുകളിലെ പുതിയ ഫീച്ചറുകളെ കുറിച്ച് പ്രവചനം നടത്തുന്ന അലസാൺഡ്രോ പലോസിയാണ് ഇതുമായി ബന്ധപ്പെട്ട ആദ്യ സൂചന നൽകിയത്. ഫീച്ചറിന്റെ സ്ക്രീൻഷോട്ടുകളാണ് പലോസി പങ്കുവെച്ചത്. ഇൻസ്റ്റഗ്രാമിൽ ഉടൻ മോണിറ്റൈസേഷൻ കിട്ടുമോ അതോ നിശ്ചിത ആളുകൾ വിഡിയോ കണ്ടതിന് ശേഷം മാത്രമാണോ ഇത് ലഭിക്കുകയെന്ന് വ്യക്തമായിട്ടില്ല. കൂടുതൽ എൻഗേജ്മെന്റ് ലഭിക്കുന്നവർക്കാണ് പണം നൽകുകയെന്നും സൂചനകളുണ്ട്.
ഉപയോക്താകൾക്ക് വരുമാനത്തിന്റെ തോത് മനസിലാക്കാനും ചില പ്രത്യേക ബോണസുകൾ നേടാനും പുതിയ മാറ്റത്തിലൂടെ സാധിക്കുമെന്നാണ് സൂചന. അതേസമയം, പുതിയ ഫീച്ചറിനെ കുറിച്ച് ഇൻസ്റ്റഗ്രാം ഔദ്യോഗികമായി പ്രതികരിച്ചിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.