ദൈർഘ്യമേറിയ വിഡിയോകൾ പോസ്റ്റ് ചെയ്യാൻ അനുവദിക്കുന്ന സേവനമായ ഐജി ടിവി ഇൻസ്റ്റഗ്രാം അവതരിപ്പിച്ചിട്ട് ഒരുപാട് കാലമായിട്ടില്ല. യൂട്യൂബിനോട് മത്സരിക്കുന്നതിന് വേണ്ടിയായിരുന്നു 2018ൽ പുതിയ ആപ്ലിക്കേഷനുമായി ഇൻസ്റ്റ എത്തിയത്. എന്നാൽ, ഐജി ടിവി പിൻവലിക്കാനുള്ള തീരുമാനവുമായി എത്തിയിരിക്കുകയാണ് ഇൻസ്റ്റഗ്രാം. അതിന് പകരമായി വലിയ ഫോര്‍മാറ്റ് വീഡിയോകള്‍ ഇനി ഇന്‍സ്റ്റഗ്രാം വിഡിയോസ് എന്നായിരിക്കും അറിയപ്പെടുക.
ഐജി ടിവിയേയും ന്യൂസ് ഫീഡ് വിഡിയോകളേയും 'ഇന്‍സ്റ്റഗ്രാം വിഡിയോ' എന്ന പേരില്‍ ഒന്നിപ്പിക്കാനാണ് കമ്പനി ലക്ഷ്യമിടുന്നത്. അതിന്റെ ഭാഗമായി യൂസർമാരുടെ പ്രൊഫൈലില്‍ പുതിയ വിഡിയോ ടാബ് തന്നെ അവതരിപ്പിക്കുകയും ചെയ്യും.
ഒരു മണിക്കൂറോളം ദൈർഘ്യമുള്ള വിഡിയോകൾ ഐജി ടിവിയിൽ പോസ്റ്റ് ചെയ്യുകയും ഒരു മിനിറ്റ് വരെയുള്ള വിഡിയോകൾ ഇതുവരെ ന്യൂസ് ഫീഡിലുമായിരുന്നു. അതേസമയം, ടിക്ടോക്കിനെ വെല്ലാൻ ഇൻസ്റ്റ അവതരിപ്പിച്ച 'റീൽസ്' വലിയ വിജയമായി മാറിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.