രാജ്യത്ത് 4 ജി ഡൗൺലോഡ് വേഗതയിൽ ഒന്നാം സ്ഥാനം നിലനിർത്തി റിലയൻസ് ജിയോ. ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) പുറത്തുവിട്ട കണക്കനുസരിച്ച്, മെയ് മാസത്തിൽ ജിയോ ഉപയോക്താക്കൾക്ക് ലഭിച്ച ശരാശരി 4ജി ഡൗൺലോഡ് വേഗത 20.7 എംബിപിഎസ് ആണ്. ഇത് ഇന്ത്യയിലെ മറ്റ് ടെലികോം സേവനദാതാക്കളുമായി താരതമ്യം ചെയ്യുേമ്പാൾ ഏറ്റവും ഉയർന്നതാണ്.
ട്രായ് നൽകിയ ഡാറ്റ അനുസരിച്ച്, റിലയൻസ് ജിയോയുടെ 4ജി ഡൗൺലോഡ് വേഗത എയർടെലിനേക്കാൾ നാല് മടങ്ങ് കൂടുതലാണ്, വോഡഫോൺ ഐഡിയയുടെ (Vi) 4ജി ഡൗൺലോഡ് വേഗതയേക്കാൾ മൂന്ന് മടങ്ങ് വേഗതയും ജിയോക്കുണ്ട്. 2021 മെയ് മാസത്തിൽ ജിയോയുടെ ശരാശരി 4ജി ഡൗൺലോഡ് വേഗതയിൽ മൂന്ന് ശതമാനം വർധനയാണ് കാണപ്പെട്ടത്. ഏപ്രിലിൽ ശരാശരി ഡൗൺലോഡ് വേഗത 20.1 എംബിപിഎസ് ആയിരുന്നു, കഴിഞ്ഞ മാസം അത് 20.7 എംബിപിഎസായി ഉയർന്നു.
4ജി ഡൗൺലോഡ് വേഗതയിൽ മറ്റെല്ലാ ടെൽകോകളെയും മലർത്തിയടിച്ചെങ്കിലും ശരാശരി അപ്ലോഡ് വേഗതയിൽ വോഡഫോൺ ഐഡിയയാണ് മെയ് മാസത്തിൽ ഒന്നാം സ്ഥാനത്ത്. 6.3 എംബിപിഎസ് ആയിരുന്നു വി.ഐയുടെ അപ്ലോഡ് വേഗത. 4.2 എംബിപിഎസ് ഉള്ള ജിയോ ആണ് രണ്ടാം സ്ഥാനത്ത്. എയർടെലിേൻറത് 3.6 എംബിപിഎസ് ആണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.