ബെയ്ജിങ്: ആപ്പിളിനെ മാതൃകയാക്കി ഷവോമി അവരുടെ ഫോണിൽ നിന്ന് ചാർജർ ഒഴിവാക്കുന്നതായി റിപ്പോർട്ട്. ഡിസംബർ 28ന് പുറത്തിറങ്ങാനിരിക്കുന്ന എം.ഐ 11ൽ നിന്ന് ചാർജർ ഒഴിവാക്കുമെന്നാണ് വാർത്തകൾ. വിവിധ ടെക് സൈറ്റുകൾ എം.ഐ 11ന്‍റെ ബോക്സുകളുടെ ചിത്രം പുറത്തുവിട്ടു. ഫോൺ ബോക്സുകൾ ചെറുതായിട്ടുണ്ടെന്നും ഇത് ചാർജർ ഒഴിവാക്കിയതിനാലാണെന്നുമാണ് ടെക് സൈറ്റുകളുടെ വിശദീകരണം.
സാംസങ് അവരുടെ ഗാലക്സി എസ് 21 സീരിസിൽ നിന്ന് ചാർജർ ഒഴിവാക്കുമെന്ന റിപ്പോർട്ടുകളും പുറത്ത് വരുന്നുണ്ട്. ചാർജർ ഉൾപ്പെടുത്താത്തതിന് ആപ്പിളിനെ ട്രോളി സമൂഹ മാധ്യമങ്ങളിൽ പങ്കുവെച്ച പോസ്റ്റുകളും സാംസങ് നീക്കിയിരുന്നു.
ആപ്പിൾ അവരുടെ ഏറ്റവും പുതിയ ഐഫോൺ 12 സീരിസ് ഫോണുകളിൽ നിന്ന് ചാർജറും ഹെഡ്സെറ്റും ഒഴിവാക്കിയിരുന്നു. പരിസ്ഥിതി സംരക്ഷണം മുൻനിർത്തിയാണ് തീരുമാനമെന്നാണ് ആപ്പിൾ വിശദീകരിച്ചത്. ഇതിന് വലിയ രീതിയിലുള്ള വിമർശനങ്ങളും ആപ്പിൾ കേട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.