രാ​ഷ്ട്രീ​യാ​വ​ബോ​ധ​ത്തി​ന്റെ അ​ക്ഷ​ര​സാ​ക്ഷ്യം

ഇ​സ്‍ലാ​മി​ക വി​ജ്ഞാ​ന​കോ​ശ പ​ര​മ്പ​ര​യി​ലെ പ​തി​നാ​ലാം വാ​ള്യം വാ​യ​ന​ക്കാ​രി​ലെ​ത്തി​ച്ച​തി​ലൂ​ടെ ഇ​സ്‌​ലാ​മി​ക് പ​ബ്ലി​ഷി​ങ് ഹൗ​സ് ന​ട​ത്തി​ക്കൊ​ണ്ടി​രി​ക്കു​ന്ന വൈ​ജ്ഞാ​നി​ക പ്ര​തി​രോ​ധം ച​രി​ത്ര​പ​ര​മാ​യൊ​രു രാ​ഷ്ട്രീ​യ​മാ​നം കൈ​വ​രി​ച്ചി​രി​ക്കു​ക​യാ​ണ്. കാ​ര​ണം, ച​രി​ത്ര​ത്തി​ൽ വേ​ര​റ്റു​പോ​യ സ​മൂ​ഹ​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി ച​രി​ത്ര​ത്തി​ന്റെ പാ​ര​മ്പ​ര്യ​ത്തി​ൽ നി​ല​കൊ​ള്ളു​ന്ന വി​ഭാ​ഗ​മാ​ണ് മു​സ്‌​ലിം സ​മൂ​ഹം.

ച​രി​ത്ര​ത്തി​ന്റെ പി​ൻ​ബ​ല​മു​ള്ള​വ​രെ​ങ്കി​ലും സ്ഥാ​പ​ന​വ​ൽ​ക​രി​ക്ക​പ്പെ​ട്ട ച​രി​ത്രാ​ഖ്യാ​ന​ങ്ങ​ളി​ൽ​നി​ന്ന് അ​സ​ന്നി​ഹി​ത​മാ​ക്ക​പ്പെ​ട്ട സ്ഥാ​ന​മാ​ണ് പ​ക്ഷേ, മു​സ്‌​ലിം ച​രി​ത്ര​ത്തി​നു​ള്ള​ത്. അ​ധി​കാ​ര രൂ​പ​ങ്ങ​ളും അ​തി​ന്റെ ഉ​പ​ക​ര​ണ സാ​മ​ഗ്രി​ക​ളു​മു​പ​യോ​ഗി​ച്ച് ച​രി​ത്ര​കാ​ര​ന്മാ​ർ വി​ക​സി​പ്പി​ച്ചു​കൊ​ണ്ടു​വ​ന്ന പ്ര​ത്യ​യ​ശാ​സ്ത്ര പാ​ഠ​ങ്ങ​ളി​ൽ​നി​ന്ന് മു​സ്‌​ലിം സ​മൂ​ഹം ത​മ​സ്ക​രി​ക്ക​പ്പ​ടു​ക​യും അ​ന്യ​വ​ൽ​ക​രി​ക്ക​പ്പെ​ടു​ക​യും ചെ​യ്തു. ദേ​ശ​ച​രി​ത്ര​ത്തി​ന്റെ വം​ശീ​യ​വും അ​ധീ​ശ​പ​ര​വു​മാ​യ ഈ ​ഔ​ദ്യോ​ഗി​ക ഭാ​ഷ്യ​ങ്ങ​ൾ​ക്കെ​തി​രി​ലു​ള്ള വൈ​ജ്ഞാ​നി​ക പ്ര​തി​രോ​ധ​മാ​ണ് ഇ​സ്‌​ലാ​മി​ക വി​ജ്ഞാ​ന​കോ​ശ പ​ര​മ്പ​ര നി​ർ​വ​ഹി​ച്ചു കൊ​ണ്ടി​രി​ക്കു​ന്ന​ത്.

1995ൽ ​പു​റ​ത്തി​റ​ങ്ങി​യ ഇ​സ്‌​ലാ​മി​ക വി​ജ്ഞാ​ന​കോ​ശം ഒ​ന്നാം വാ​ല്യം മു​ത​ൽ ഇ​പ്പോ​ൾ അ​വ​സാ​ന​മാ​യി പു​റ​ത്തി​റ​ങ്ങി​യ പ​തി​നാ​ലാം വാ​ല്യം​വ​രെ​യു​ള്ള പു​സ്ത​ക​ത്താ​ളു​ക​ളി​ലെ​ല്ലാം ആ​വി​ഷ്ക​രി​ക്ക​പ്പെ​ടു​ന്ന​ത് അ​ർ​ഹ​ത​യു​ണ്ടാ​യി​ട്ടും നി​ഷ്കാ​സ​നം ചെ​യ്യ​പ്പെ​ട്ട ഒ​രു സ​മു​ദാ​യ​ത്തി​ന്റെ കൂ​ട്ടു​ക​ർ​തൃ​ത്വ​മാ​ണ്. വ്യ​വ​സ്ഥാ​പി​ത ച​രി​ത്രാ​ഖ്യാ​ന​ങ്ങ​ളാ​ൽ വ​ക്രീ​ക​രി​ക്ക​പ്പെ​ട്ട സ​മ​കാ​ലി​ക മു​സ്‌​ലിം സ​മൂ​ഹ​ത്തി​ന്റെ വ​ർ​ണോ​ജ്വ​ല​മാ​യ ഇ​ന്ന​ല​ക​ളെ​യും അ​തി​ന്റെ ആ​ശ​യ പ​രി​സ​ര​ങ്ങ​ളെ​യും അ​ട​യാ​ള​പ്പെ​ടു​ത്തു​ന്ന​തി​ലൂ​ടെ ക​ല​ർ​പ്പി​ല്ലാ​ത്ത ച​രി​ത്ര​ബോ​ധം ഉ​ണ​ർ​ത്തു​ക​യെ​ന്ന സ​ക്രി​യ​മാ​യ ധ​ർ​മ​മാ​ണ് ഇ​സ്‌​ലാ​മി​ക വി​ജ്ഞാ​ന​കോ​ശം നി​ർ​വ​ഹി​ക്കു​ന്ന​ത്.

962 പേ​ജു​ക​ളി​ലാ​യി 1570ൽ​പ​രം വി​ഷ​യ​ങ്ങ​ൾ പ്ര​തി​പാ​ദി​ക്കു​ന്ന ഇ​സ്‌​ലാ​മി​ക വി​ജ്ഞാ​ന​കോ​ശം അ​ന്താ​രാ​ഷ്ട്ര ത​ല​ത്തി​ലു​ള്ള മു​സ്‌​ലിം​സ​മൂ​ഹം അ​തി​ന്റെ സ​ർ​വ പൊ​ലി​വു​ക​ളോ​ടെ​യും എ​ങ്ങ​നെ രൂ​പ​പ്പെ​ട്ടു​വെ​ന്നും അ​തി​നാ​യു​ള്ള ദീ​ർ​ഘ​വും സം​ഘ​ർ​ഷ​പൂ​ർ​ണ​വു​മാ​യ ജീ​വി​താ​വ​സ്ഥ​ക​ളെ എ​ങ്ങ​നെ താ​ണ്ടി​ക്ക​ട​ന്നു​വെ​ന്നും പ​റ​ഞ്ഞു​വെ​ക്കു​ന്നു. ഇ​സ്‌​ലാ​മി​ന്റെ പു​ഷ്ക​ല​മാ​യ ച​രി​ത്രം സൃ​ഷ്ടി​ച്ചെ​ടു​ത്ത ഒ​ട്ടേ​റെ പ്ര​തി​ഭാ​ധ​ന​രാ​യ ന​വോ​ത്ഥാ​ന നാ​യ​ക​ർ​ക്കും അ​വ​രു​ടെ പ്ര​വ​ർ​ത്ത​ന​ങ്ങ​ൾ​ക്ക് കേ​ദാ​ര​മാ​യ ദേ​ശ​ങ്ങ​ൾ​ക്കും മ​റ്റെ​ല്ലാ വാ​ല്യ​ങ്ങ​ൾ പോ​ലെ ഈ ​വാ​ല്യ​വും അ​ർ​ഹ​മാ​യ പ്രാ​തി​നി​ധ്യം ന​ൽ​കി​യി​രി​ക്കു​ന്നു.

ഇ​സ്‌​ലാ​മി​ക ച​രി​ത്ര​ത്തി​ലും വ​ർ​ത്ത​മാ​ന​ത്തി​ലും ഇ​ടം​നേ​ടി​യ ഉ​മ​വി ഖി​ലാ​ഫ​ത്തി​ന്റെ ആ​സ്ഥാ​ന​വും സി​റി​യ​ൻ ത​ല​സ്ഥാ​ന​വു​മാ​യ ദി​മി​ശ്ഖ്, ഈ​ജി​പ്തി​ലെ ന​ഗ​ര​ങ്ങ​ളാ​യ ദി​മ​ൻ​ഹൂ​ർ, ദിം​യാ​ത്വ്, ഫു​സ്ത്വാ​ത്വ്, ഗ​ൾ​ഫി​ലെ പ്ര​മു​ഖ ന​ഗ​ര​ങ്ങ​ളാ​യ ദു​ബൈ, ദോ​ഹ, ഫു​ജൈ​റ, ന​ജ്റാ​ൻ, ദി​ർ​ഇ​യ്യ, ഇ​ന്ത്യാ ഉ​പ​ഭൂ​ഖ​ണ്ഡ​ത്തി​ലെ പ​ഞ്ചാ​ബ്, ദി​നാ​ജ്പൂ​ർ, ദൗ​ല​താ​ബാ​ദ്, നാ​ഗൂ​ർ, നാ​ഗ്പൂ​ർ, പ​ട്ന, ന​ജീ​ബാ​ബാ​ദ്, പാ​നി​പ്പ​ത്, ഒ​മാ​നി​ലെ ദോ​ഫാ​ർ തു​ട​ങ്ങി​യ​വ​യെ​ല്ലാം ആ ​ഗ​ണ​ത്തി​ൽ പു​സ്ത​ക​ത്തി​ൽ ഉ​ൾ​ചേ​ർ​ക്ക​പ്പെ​ട്ടി​രി​ക്കു​ന്നു.

മു​സ്‌​ലിം ലോ​ക​ത്ത് വി​ക​സി​ച്ചു​വ​ന്ന മ​ത​പ​ര​വും രാ​ഷ്ട്രീ​യ​വു​മാ​യ പ്ര​സ്ഥാ​ന​ങ്ങ​ൾ, അ​വ​യു​ടെ പ്ര​ത്യേ​ക​ത​ക​ൾ, അ​വ​രു​ടെ മു​ൻ​കൈ​യി​ൽ ന​ട​ത്ത​പ്പെ​ടു​ന്ന പ്ര​വ​ർ​ത്ത​ന​ങ്ങ​ൾ ഇ​തൊ​ക്കെ​യും വി​ശ​ദ​മാ​യി പ​തി​നാ​ലാം വാ​ല്യം പ​രി​ച​യ​പ്പെ​ടു​ത്തു​ന്നു​ണ്ട്. പ്ര​മു​ഖ സൂ​ഫീ സ​ര​ണി​ക​ളാ​യ ന​ഖ്ശ​ബ​ന്ദി​യ്യ, നി​അ്മ​ത്തു​ല്ലാ​ഹി​യ്യ, ഖാ​രി​ജി വി​ഭാ​ഗ​ങ്ങ​ളാ​യ ന​ജ്ജാ​രി​യ്യ, ന​ജ്ദാ​ത്, ശീ​ഈ അ​വാ​ന്ത​ര വി​ഭാ​ഗ​ങ്ങ​ളാ​യ നി​സാ​രി​ക​ൾ, നു​സൈ​രി​ക​ൾ, അ​ഫ്ഗാ​നി​സ്താ​നി​ലെ ഗോ​ത്ര​വി​ഭാ​ഗ​മാ​യ പ​ശ്തൂ​ൺ രാ​ജ​വം​ശ​ങ്ങ​ളാ​യ ഫാ​ത്വി​മി​ക​ൾ, സ്പെ​യി​നി​ലെ ന​സ്വ്രി​ക​ൾ, ഇ​റാ​നി​ലെ പ​ഹ്‌​ല​വി​ക​ൾ, ആ​ഫ്രി​ക്ക​യി​ലെ ഫൂ​ലാ​നി​ക​ൾ തു​ട​ങ്ങി അ​നേ​കം ജ​ന​വി​ഭാ​ഗ​ങ്ങ​ളെ​യും ചി​ന്താ​ധാ​ര​ക​ളെ​യും സം​ബ​ന്ധി​ച്ച് വി​പു​ല​മാ​യി​ത്ത​ന്നെ പു​സ്ത​കം പ​റ​ഞ്ഞു​ത​രു​ന്നു.

മു​സ്‌​ലിം സ​മൂ​ഹ​ത്തി​ൽ കാ​ലാ​നു​സൃ​ത​മാ​യി രൂ​പ​പ്പെ​ട്ടു​വ​ന്ന മു​ഴു​വ​ൻ പ​രി​വ​ർ​ത്ത​ന​ങ്ങ​ളും വി​ജ്ഞാ​ന​കോ​ശം കൃ​ത്യ​മാ​യി വി​ല​യി​രു​ത്തു​ന്നു​ണ്ട്. മു​ൻ വാ​ല്യ​ങ്ങ​ൾ​ക്ക് സ​മാ​ന​മാ​യി ഇ​സ്‌​ലാ​മി​ക ലോ​ക​ത്തും സ​വി​ശേ​ഷ​മാ​യി ഇ​ന്ത്യ​യി​ലും കേ​ര​ള​ത്തി​ലു​മു​ള്ള മു​സ്‌​ലിം സ​മൂ​ഹ​രൂ​പ​വ​ത്ക​ര​ണം, അ​വ​രു​ടെ രാ​ഷ്ട്രീ​യം, വി​ദ്യാ​ഭ്യാ​സം, സം​സ്കാ​രം, സാ​ഹി​ത്യം, സാ​മ്രാ​ജ്യ​ത്വ​വി​രു​ദ്ധ പോ​രാ​ട്ട​ങ്ങ​ൾ തു​ട​ങ്ങി​യ പ്ര​മേ​യ​ങ്ങ​ളി​ൽ അ​നേ​കം ശീ​ർ​ഷ​ക​ങ്ങ​ളും ഉ​പ​ശീ​ർ​ഷ​ക​ങ്ങ​ളു​മാ​യി പു​സ്ത​ക​ത്തി​ന്റെ ഉ​ള്ള​ട​ക്കം പ​ട​ർ​ന്നു നി​ൽ​ക്കു​ന്നു. മു​സ്‌​ലിം സ​മൂ​ഹ​ത്തി​ന്റെ പ്രൗ​ഢ​മാ​യ ഇ​ന്ന​ല​ക​ളെ പ​ര​മാ​വ​ധി സ​മ​ഗ്ര​ത​യി​ൽ ത​യാ​റാ​ക്കു​ക എ​ന്ന സാ​ഹ​സി​ക പ്ര​വ​ർ​ത്ത​ന​മാ​ണ് പ്ര​സാ​ധ​ക​ർ ഈ ​വി​ജ്ഞാ​ന പ​ര​മ്പ​ര​യി​ലൂ​ടെ നി​ർ​വ​ഹി​ച്ചി​രി​ക്കു​ന്ന​ത്.

പ്ര​മാ​ണ​വ​ത്ക​രി​ക്ക​പ്പെ​ട്ട അ​റി​വ​ധി​കാ​ര​ങ്ങ​ളെ പ്ര​ശ്ന​വ​ത്ക​രി​ച്ചു​കൊ​ണ്ട് മു​സ്‌​ലിം സ​മൂ​ഹ​ത്തി​ന് പൊ​തു​വാ​യൊ​രു പൈ​തൃ​ക​മു​ണ്ടെ​ന്ന് ഇ​സ്‌​ലാ​മി​ക വി​ജ്ഞാ​ന​കോ​ശം കാ​ര്യ​ഗൗ​ര​വ​ത്തോ​ടെ ന​മ്മെ ഓ​ർ​മ​പ്പെ​ടു​ത്തു​ന്നു. അ​ധി​നി​വേ​ശ​വി​രു​ദ്ധ പോ​രാ​ട്ട​ങ്ങ​ളു​ടെ ച​രി​ത്രാ​ധ്യാ​യ​ങ്ങ​ൾ​ക്ക് ആ​മു​ഖം രേ​ഖ​പ്പെ​ടു​ത്തി​യ​വ​ർ എ​ന്ന​നി​ല​ക്ക് ദേ​ശ​ത്തി​ലും ദേ​ശീ​യ​ത​യി​ലു​മു​ള്ള മു​സ്‌​ലിം ഇ​ട​ത്തെ അ​ത് അ​ര​ക്കി​ട്ടു​റ​പ്പി​ക്കു​ന്നു. മു​സ്‌​ലിം സ​മൂ​ഹ​ത്തി​ന്റെ വൈ​വി​ധ്യ​വും ച​ല​നാ​ത്മ​ക​വു​മാ​യ ക​ഴി​ഞ്ഞ​കാ​ല​ങ്ങ​ളെ ച​രി​ത്ര​പ​ര​മാ​യി ക​ണ്ണി​ചേ​ർ​ക്കു​ന്ന​തി​ലൂ​ടെ മു​സ്‌​ലിം അ​പ​ര​ജീ​വി​ത​ങ്ങ​ളു​ടെ ദേ​ശീ​യ അ​വ​കാ​ശം അ​ടി​വ​ര​യി​ട​പ്പെ​ടു​ക​യും സാ​ധൂ​ക​രി​ക്ക​പ്പെ​ടു​ക​യും ചെ​യ്യു​ന്നു.

ച​രി​ത്ര പ​ഠ​ന​ങ്ങ​ളെ​യും ഗ​വേ​ഷ​ണ പ്ര​ബ​ന്ധ​ങ്ങ​ളെ​യും ഭാ​ഷാ​ലീ​ല​ക​ളു​ടെ​യും ആ​ഖ്യാ​ന കൗ​ശ​ല​ങ്ങ​ളു​ടെ​യും പ​ണി​പ്പു​ര​യാ​യി മാ​ത്രം കാ​ണു​ന്ന സ​മീ​പ​ന​ങ്ങ​ളി​ൽനി​ന്ന് മാ​റി മൗ​ലി​ക​മാ​യ പ​ഠ​ന​ങ്ങ​ൾ​കൊ​ണ്ടും വി​ശ​ക​ല​ന​ങ്ങ​ൾകൊ​ണ്ടും സ​മ്പ​ന്ന​മാ​ണ് ഇ​സ്‌​ലാ​മി​ക വി​ജ്ഞാ​ന കോ​ശം. ഇ​സ്‌​ലാ​മി​ക ച​രി​ത്ര​ത്തെ​യും സം​സ്കാ​ര​ത്തെ​യും മു​സ്‌​ലിം സ​മൂ​ഹ​ത്തി​ന്റെ ആ​ദ​ർ​ശ​വും രാ​ഷ്ട്രീ​യ​വും സാം​സ്കാ​രി​ക​വു​മാ​യ ആ​ധാ​ര​ങ്ങ​ളോ​ട് ക​ണ്ണി​ചേ​ർ​ക്കു​ന്ന ആ​ഖ്യാ​ന രീ​തി​യാ​ണ് വി​ജ്ഞാ​ന​കോ​ശ​ത്തെ വേ​റി​ട്ടു​നി​ർ​ത്തു​ന്ന​ത്.

കൊ​ളോ​ണി​യ​ലാ​ന​ന്ത​ര കാ​ല​ത്തെ തി​രി​ച്ച​റി​വി​ന്റെ ലോ​ക​ത്താ​ണ് ഇ​സ്‌​ലാ​മി​ക വി​ജ്ഞാ​ന​കോ​ശം ത​ങ്ങ​ളു​ടെ പ​ണി​പ്പു​ര ത​യാ​റാ​ക്കി​യി​രി​ക്കു​ന്ന​ത്. കൊ​ളോ​ണി​യ​ൽ അ​ധി​നി​വേ​ശ​ത്തി​ന്റെ​യും ഇ​സ്‌​ലാ​മി​ക സം​സ്കാ​ര​ങ്ങ​ൾ​ക്കു​മേ​ലു​ള്ള കൈ​യേ​റ്റ​ങ്ങ​ളു​ടെ​യും ഫ​ല​മാ​യി രൂ​പ​പ്പെ​ട്ട മു​സ്‌​ലിം ന്യൂ​ന​പ​ക്ഷ​ങ്ങ​ളു​ടെ പാ​ർ​ശ്വ​വ​ത്ക​ര​ണ​ത്തി​ന്റെ വെ​ളി​ച്ച​ത്തി​ൽ പ്ര​തി​രോ​ധ​ത്തി​ന്റെ പ്ര​മേ​യം മു​ന്നോ​ട്ടു​വെ​ക്കാ​നും മു​സ്‌​ലിം ഇ​ട​ങ്ങ​ളെ തി​രി​ച്ചു​പി​ടി​ക്കാ​നും ഇ​സ്‌​ലാ​മി​ക വി​ജ്ഞാ​ന​കോ​ശ പ​ര​മ്പ​ര​`ക്ക് സാ​ധി​ക്കു​ന്നു​ണ്ട്. അ​തു​കൊ​ണ്ട് കേ​വ​ല​മാ​യ വൈ​ജ്ഞാ​നി​ക താ​ൽ​പ​ര്യ​ങ്ങ​ൾ​ക്ക​പ്പു​റ​ത്ത് രാ​ഷ്ട്രീ​യ​മാ​യ പ്ര​തി​രോ​ധ ശ്ര​മ​ങ്ങ​ളു​ടെ ഭാ​ഗ​മെ​ന്ന​നി​ല​യി​ൽ കൂ​ടി​യാ​ണ് ഈ ​ഉ​ദ്യ​മം വ്യ​തി​രി​ക്ത​മാ​കു​ന്ന​ത്.

ഇ​സ്‌​ലാ​മി​ക വി​ജ്ഞാ​ന​കോ​ശം മു​ന്നോ​ട്ടു​വെ​ക്കു​ന്ന ഈ ​രാ​ഷ്ട്രീ​യ അ​വ​ബോ​ധ​ത്തി​ന്റെ ശാ​ക്തീ​ക​ര​ണ ശേ​ഷി​യാ​ണ് വൈ​ജ്ഞാ​നി​ക പ്ര​തി​രോ​ധ ര​ച​ന​യു​ടെ ഭാ​ഗ​മാ​കാ​ൻ അ​തി​നെ യോ​ഗ്യ​മാ​ക്കു​ന്ന​ത്.