വാഷിങ്ടൺ: അമേരിക്കയിലെ ലാസ് വേഗസിൽ നിന്ന് ഡെട്രോയിറ്റിലേക്കുള്ള വിമാന യാത്രക്കിടെ സഹയാത്രക്കാരിയെ പീഡിപ്പിച്ചെന്ന കേസിൽ ഇന്ത്യക്കാരൻ അറസ്റ്റിൽ. പ്രഭു രാമമൂർത്തി(34)യാണ് അറസ്റ്റിലായത്. മിഷിഗൻ ഫെഡറൽ കോടതിയിൽ ഹാജരായ രാമമൂർത്തിക്കതിരെ ജാമ്യമില്ലാക്കുറ്റം ചുമത്തിയാണ് അറസ്റ്റ് ചെയ്തത്.
ബുധനാഴ്ചയാണ് കേസിനാസ്പദമായ സംഭവം. ഭാര്യയോടൊപ്പം വിമാനത്തിൽ യാത്രചെയ്യവേ സമീപത്തെ സീറ്റിലിരുന്ന 22കാരിയെ രാമമൂർത്തി പീഡിപ്പിച്ചുവെന്നാണ് കേസ്.
പെൺകുട്ടി ഉറക്കമെഴുന്നേറ്റപ്പോൾ വസ്ത്രത്തിെൻറ ബട്ടൺ അഴിഞ്ഞ നിലയിലായിരുന്നെന്നും പ്രതിയുടെ കൈ പെൺകുട്ടിയുടെ ശരീരത്തിലായിരുന്നെന്നും പരാതിയിൽ പറയുന്നു. ഉടൻ പെൺകുട്ടി വിമാന ജീവനക്കാരോട് പരാതി പറയുകയും അവർ പരാതി രജിസ്റ്റർ ചെയ്യുകയുമായിരുന്നു. വിമാനം ലാൻറ് ചെയ്ത ഉടൻ രാമമൂർത്തിയെ അറസ്റ്റ് ചെയ്തു.
എന്നാൽ മരുന്ന് കഴിച്ച് ഉറക്കമായിരുന്നെന്നും ഇത്തരത്തിൽ ഒരു പ്രവർത്തി തെൻറ ഭാഗത്തു നിന്ന് ഉണ്ടായിട്ടില്ലെന്നുമാണ് പ്രതിയുടെ വാദം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.