സർക്കാറിനെ അട്ടിമറിക്കാൻ ഗൂഢാലോചന: ശൈഖ് ഹസീന​ക്കെതിരെ കേസ്

ധാ​ക്ക: മു​ഹ​മ്മ​ദ് യൂ​നു​സി​ന്റെ നേ​തൃ​ത്വ​ത്തി​ലു​ള്ള ഇ​ട​ക്കാ​ല സ​ർ​ക്കാ​റി​നെ അ​ട്ടി​മ​റി​ക്കാ​നും ആ​ഭ്യ​ന്ത​ര ക​ലാ​പ​ത്തി​നും ഗൂ​ഢാ​ലോ​ച​ന ന​ട​ത്തി​യെ​ന്നാ​രോ​പി​ച്ച് ബം​ഗ്ലാ​ദേ​ശ് മു​ൻ പ്ര​ധാ​ന​മ​ന്ത്രി ശൈ​ഖ് ഹ​സീ​ന​ക്കും 72 അ​വാ​മി ലീ​ഗ് നേ​താ​ക്ക​ൾ​ക്കു​മെ​തി​രെ കേ​സ്. ധാ​ക്ക ചീ​ഫ് മെ​ട്രോ​പൊ​ളി​റ്റ​ൻ മ​ജി​സ്ട്രേ​റ്റ് കോ​ട​തി​യി​ൽ ര​ജി​സ്റ്റ​ർ ചെ​യ്ത കേ​സി​ൽ ക്രി​മി​ന​ൽ അ​ന്വേ​ഷ​ണ വ​കു​പ്പ് (സി.​ഐ.​ഡി) അ​ന്വേ​ഷ​ണം ന​ട​ത്തു​മെ​ന്ന് പൊ​ലീ​സ് അ​റി​യി​ച്ചു.

അ​വാ​മി ലീ​ഗ് നേ​താ​ക്ക​ൾ ക​ഴി​ഞ്ഞ ഡി​സം​ബ​ർ 19ന് ​ജോ​യ് ബം​ഗ്ല ബ്രി​ഗേ​ഡ് എ​ന്ന പേ​രി​ൽ ഓ​ൺ​ലൈ​ൻ യോ​ഗം ചേ​ർ​ന്നി​രു​ന്നു. ആ​ഭ്യ​ന്ത​ര ക​ലാ​പ​ത്തി​ലൂ​ടെ സ​ർ​ക്കാ​റി​നെ അ​ട്ടി​മ​റി​ക്കാ​നു​ള്ള ​ഹ​സീ​ന​യു​ടെ നി​ർ​ദേ​ശ​ത്തി​ന് ​​ശ​ക്ത​മാ​യ പി​ന്തു​ണ​യാ​ണ് യോ​ഗം ഉ​റ​പ്പു​ന​ൽ​കി​യ​ത്. യോ​ഗ​ത്തി​ൽ പ​​ങ്കെ​ടു​ത്ത ഹ​സീ​ന​യു​ടെ​യും മ​റ്റ് പ്ര​മു​ഖ​രു​ടെ​യും ശ​ബ്ദ സ​ന്ദേ​ശ​ങ്ങ​ളി​ൽ​നി​ന്നാ​ണ് ഗൂ​ഢാ​ലോ​ച​ന പു​റ​ത്താ​യ​തെ​ന്ന് സർക്കാർ വാ​ർ​ത്ത ഏ​ജ​ൻ​സി​യാ​യ ബി.​എ​സ്.​എ​സ് റി​പ്പോ​ർ​ട്ട് ചെ​യ്തു. അ​വാ​മി ലീ​ഗി​ന്റെ യു.​എ​സ് മേ​ഖ​ല വൈ​സ് പ്ര​സി​ഡ​ന്റ് ഡോ. ​റ​ബ്ബി ആ​ലം വി​ളി​ച്ച യോ​ഗ​ത്തി​ൽ ബം​ഗ്ലാ​ദേ​ശി​ൽ​നി​ന്നും വി​ദേ​ശ​ത്തു​നി​ന്നു​മാ​യി 577 പേ​ർ പ​​ങ്കെ​ടു​ത്തി​രു​ന്നു. ജ​ന​കീ​യ പ്ര​ക്ഷോ​ഭ​ത്തെ തു​ട​ർ​ന്ന് 16 വ​ർ​ഷ​ത്തെ ഭ​ര​ണം അ​വ​സാ​നി​പ്പി​ച്ച് രാ​ജ്യം വി​ട്ട ഹ​സീ​ന ഇ​ന്ത്യ​യി​ൽ അ​ഭ​യം തേ​ടി​യി​രി​ക്കു​ക​യാ​ണ്.