ന്യൂഡൽഹി: അഫ്ഗാനിസ്താനിൽ റിക്ടർ സ്കെയിലിൽ 5.7 തീവ്രത രേഖപ്പെടുത്തിയ ഭൂചലനം. അഫ്ഗാൻ-താജിക്കിസ്താൻ അതിർത്തിയിലാണ് ഭൂചലനമുണ്ടായത്. ഇതിന്റെ പ്രകമ്പനം ഇന്ത്യയിലും അനുഭവപ്പെട്ടു. ഡൽഹി, നോയിഡ, ജമ്മുകശ്മീർ തുടങ്ങിയ സ്ഥലങ്ങളിലാണ് അഫ്ഗാൻ ഭൂചലനത്തെ തുടർന്ന് പ്രകമ്പനമുണ്ടായത്.
20 സെക്കൻഡ് നേരത്തേക്ക് ചെറിയ ഭൂചലനമുണ്ടായെന്ന് നോയിഡ നിവസികൾ ട്വീറ്റ് ചെയ്തു. 'ആദ്യം തനിക്ക് തലചുറ്റുകയാണെന്നാണ് തോന്നിയത്. അപ്പോൾ ഞാൻ കണ്ണുകളടച്ചു. പിന്നീട് ഫാനിലേക്ക് നോക്കിയപ്പോഴാണ് ഭൂചലനമാണെന്ന് മനസിലായത്'. ശക്തമായ പ്രകമ്പനം 30 സെക്കൻഡ് വരെ നീണ്ടുനിന്നുവെന്ന് നോയിഡ സ്വദേശി ശശാങ്ക് സിങ് ട്വീറ്റ് ചെയ്തു.
നാഷണൽ സീസ്മോളജി സെന്ററിന്റെ ട്വീറ്റ് പ്രകാരം അഫ്ഗാനിസ്താൻ-താജിക്കിസ്താൻ അതിർത്തിയിൽ ഭൂമിയിൽ 181 കിലോ മീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം. അതേസമയം, നാശനഷ്ടവും പരിക്കും മരണവും ഉണ്ടായതായി റിപ്പോർട്ടുകളില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.