ട്രംപി​െൻറ തീരുമാനം ഇന്ത്യൻ സമ്പദ്​വ്യവസ്ഥക്ക്​​ തിരിച്ചടിയാവുമോ ?

ഉൽപന്നങ്ങൾക്ക്​ നികുതിയിളവ്​ നൽകുന്ന ജനറലൈസ്​ഡ്​ സിസ്​റ്റം ഒാഫ്​ പ്രിഫറൻസ്(ജി.എസ്​.പി)​ പദവിയിൽ നിന്ന്​ ഇന് ത്യയെ ഒഴിവാക്കാനുളള തീരുമാനം അമേരിക്കൻ പ്രസിഡൻറ്​ ഡോണൾഡ്​ ട്രംപ്​ പ്രഖ്യാപിച്ചു കഴിഞ്ഞു.അമേരിക്കൻ ഇന്ത്യ ഉൽപന്നങ്ങൾക്ക്​ അധിക നികുതി ഇൗടാക്കുന്നുവെന്ന പരാതി ഉന്നയിച്ചാണ്​ ട്രംപി​​െൻറ പുതിയ നീക്കം.

ഇന്ത്യയെ പ് രിഫറൻസ്​ പദവിയിൽ നിന്ന്​ ഒഴിവാക്കാൻ നോട്ടീസ്​ നൽകിയതായി ട്രംപ്​ അറിയിച്ചു. അമേരിക്കയിലേക്ക്​ കയറ്റുമതി ചെയ ്യുന്ന ചില ഉൽപന്നങ്ങളുടെ നികുതിയിളവ്​ ഇല്ലാതാകുന്നതോടെ അത്​ ഇന്ത്യൻ സമ്പദ്​വ്യവസ്ഥയിൽ ഏത്​ രീതിയിലാവും സ് വാധീനിക്കുകയെന്ന ചർച്ചകളാണ്​ ഇപ്പോൾ സജീവമായിരിക്കുകയാണ്​. ഇന്ത്യക്ക്​ പുറമേ തുർക്കിയിൽ നിന്ന്​ ഇറക്കുമതി ചെയ്യുന്ന ഉൽപന്നങ്ങൾക്ക്​ നൽകിയിരുന്ന നികുതിയിളവും ട്രംപ്​ ഇല്ലാതാക്കിയിട്ടുണ്ട്​.

സമ്പദ്​വ്യവസ്ഥയിൽ തീരുമാനം വലിയ സ്വാധീനം ചെലുത്തില്ലെന്നാണ്​ ആദ്യ ഘട്ടത്തിൽ പുറത്ത്​ വരുന്ന സൂചനകൾ. 190 മില്യൺ ഡോളർ മൂല്യം വരുന്ന ഉൽപന്നങ്ങളാണ്​ ഇന്ത്യയിൽ നിന്നും യു.എസിലേക്ക്​ നികുതിയില്ലാതെ കയറ്റുമതി ചെയ്യുന്നത്​. എന്നാൽ, യു.എസിലേക്കുള്ള ഇന്ത്യയിൽ നിന്നുള്ള ആകെ കയറ്റുമതി 5.6 ബില്യൺ ഡോളറി​േൻറതാണ്​. ചെറിയൊരു ശതമാനം ഉൽപന്നങ്ങൾ മാത്രമാണ്​ യു.എസിലേക്ക്​ നികുതിയില്ലാതെ കയറ്റുമതി ചെയ്യുന്നതെന്ന്​ വ്യവസായ സെക്രട്ടറി അനുപ്​ വാദ്​വാൻ ചൂണ്ടിക്കാട്ടുന്നു. അത്​ കൊണ്ട്​ തീരുമാനം ഇന്ത്യൻ സമ്പദ്​വ്യവസ്ഥയിൽ കാര്യമായ ചലനങ്ങളുണ്ടാക്കില്ലെന്നാണ്​ കേന്ദ്രസർക്കാർ വിലയിരുത്തൽ.

3700 ഉൽപന്നങ്ങളാണ്​ ഇന്ത്യയിൽ നിന്ന് യു.എസിലേക്ക്​​ കയറ്റി അയക്കുന്നത്​ ഇതിൽ 1784 എണ്ണത്തിന്​ മാത്രമാണ്​ നികുതിയിളവുള്ളത്​. ഇന്ത്യയിൽ നിന്നുള്ള ചില കാർഷിക ഉൽപന്നങ്ങൾ, കരകൗശല വസ്​തുകൾ എന്നിവക്കെല്ലാം തീരുമാനം മൂലം തിരിച്ചടിയുണ്ടാവുമെങ്കിലും മൊത്തത്തിൽ സമ്പദ്​വ്യവസ്ഥയിൽ ഇത്​ നെഗറ്റീവായി സ്വാധീനിക്കില്ലെന്നാണ്​ കരുതുന്നത്​.

തീരുമാനം പുറത്ത്​ വന്നതിന്​ പിന്നാലെയുള്ള ആദ്യ വ്യാപാര ദിനത്തിൽ ഇന്ത്യൻ ഒാഹരി വിപണികളും നേട്ടത്തിലാണ്​ വ്യാപാരം അവസാനിപ്പിച്ചത്​. സെൻസെക്​സ്​ 378 പോയിൻറ്​ നേട്ടത്തോടെയും നിഫ്​റ്റി 123 പോയിൻറ്​ ലാഭത്തിലുമാണ്​ വ്യാപാരം അവസാനിപ്പിച്ചത്​. ട്രംപി​​െൻറ പ്രഖ്യാപനം ഇന്ത്യൻ സമ്പദ്​വ്യവസ്ഥയിൽ നെഗറ്റീവായി സ്വാധീനിക്കില്ലെന്ന സൂചനകൾ ഇത്​ നൽകുന്നു.