വാഷിങ്ടൺ: ഇന്ത്യൻ സമ്പദ്വ്യവസ്ഥ 2021ൽ 12.5 ശതമാനം നിരക്കിൽ വളരുമെന്ന പ്രവചനവുമായി അന്താരാഷ്ട്ര നാണയനിധി. ചൈനയേക്കാളും വളർച്ച ഇന്ത്യക്കായിരിക്കുമെന്നും ഐ.എം.എഫ് പ്രവചിക്കുന്നു. കോവിഡുകാലത്ത് പോസിറ്റീവ് വളർച്ച നിരക്ക് കൈവരിച്ച ഏക സമ്പദ്വ്യവസ്ഥ ചൈനയുടേതാണ്.
2020ൽ സമ്പദ്വ്യവസ്ഥയുടെ വളർച്ച നിരക്കിൽ വൻ ഇടിവുണ്ടായിരുന്നു. അതേസമയം 2022ൽ സമ്പദ്വ്യവസ്ഥയുടെ വളർച്ചാനിരക്ക് 6.9 ശതമാനം നിരക്കായിരിക്കുമെന്നാണ് വേൾഡ് ഇക്കണോമിക് ഔട്ട്ലുക്കിന്‍റെ പ്രവചനം. ചൈനീസ് സമ്പദ്വ്യവസ്ഥ 2020ൽ 2.3 ശതമാനവും 2021ൽ 8.6 2022ൽ 5.6 ശതമാനം നിരക്കിലും വളരുമെന്നാണ് ഐ.എം.എഫ് പ്രവചനം.
2021ലും 2022ലും ആഗോള സമ്പദ്വ്യവസ്ഥയിൽ വലിയ വളർച്ചയുണ്ടാകും. ഇതുമായി ബന്ധപ്പെട്ട മുൻ പ്രവചനം തിരുത്തുകയാണെന്നും അദ്ദേഹം പറഞ്ഞു. വിവിധ രാജ്യങ്ങളിലെ കോവിഡ് വ്യാപനവും വാക്സിന്‍റെ വരവുമെല്ലാം സമ്പദ്വ്യവസ്ഥയെ സ്വാധീനിച്ചേക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.