യു.എസിനെ മറികടന്ന്​ ചൈന ലോകസാമ്പത്തിക ശക്​തിയാകും; ഇന്ത്യ മൂന്നാമതും

ലണ്ടൻ: യു.എസിനെ മറികടന്ന്​ 2028 ഓടെ ചൈന ലോകത്തിലെ ഒന്നാമത്തെ സാമ്പത്തിക ശക്​തിയാകുമെന്ന്​ പ്രവചനം. നേരത്തെ പ്രവചിക്കപ്പെട്ടതിലും അഞ്ച്​ വർഷം മുമ്പ്​ ചൈന നേട്ടം കൈവരിക്കുമെന്ന്​ പുതിയ റിപ്പോർട്ടുകൾ. കോവിഡ്​ 19നെ തുടർന്നാണ്​ സാഹചര്യം മാറിയത്​. ചൈന തകർച്ചയിൽ നിന്നും അതിവേഗം കരകയറുകയാണ്​. എന്നാൽ, യു.എസ്​ സമ്പദ്​വ്യവസ്ഥയുടെ തിരിച്ച്​ വരവിന്​ ഇത്ര വേഗമില്ലെന്നും ഇതുമായി ബന്ധപ്പെട്ട പഠനം ചൂണ്ടിക്കാട്ടുന്നു.

കോവിഡ്​ 19ഉം തുടർന്ന്​ ആഗോള സമ്പദ്​വ്യവസ്ഥയിലുണ്ടായ പ്രതിസന്ധിയും ചൈനക്ക്​ ഗുണകരമായെന്ന്​ സെന്‍റർ ഫോർ ഇക്കണോമിക്​സ്​ ആൻഡ്​ ബിസിനസ്​ റിസേർച്ച്​ പഠനത്തിൽ പറയുന്നു. നേരത്തെ തന്നെ മഹാമാരിയെ പിടിച്ച്​ കെട്ടാൻ കഴിഞ്ഞതാണ്​ ചൈനക്ക്​ ഗുണകരമാവുന്നത്​.

2021-25 കാലയളവിൽ ശരാശരി 5.7 ശതമാനം നിരക്കിൽ ചൈനീസ്​ സമ്പദ്​വ്യവസ്ഥ വളരും. പിന്നീട്​ വളർച്ച നിരക്ക്​ 4.5 ശതമാനമായി കുറയുമെങ്കിലും ചൈന വലിയൊരു തകർച്ചയെ അഭിമുഖീകരിക്കില്ലെന്നാണ്​ പഠനം. 2022-24 കാലയളവിൽ 1.9 ശതമാനമായിരിക്കും സമ്പദ്​വ്യവസ്ഥയുടെ വളർച്ച നിരക്ക്​. അതിന്​ ശേഷം വളർച്ചാ നിരക്ക്​ 1.6 ശതമാനമായി ഇടിയും.

2030 വരെ ജർമ്മനിയായിരിക്കും മൂന്നാമത്തെ വലിയ സാമ്പത്തിക ശക്​തി. എന്നാൽ, അതിന്​ ശേഷം ഇന്ത്യ ജർമ്മനിയെ മറികടക്കും. അഞ്ചാം സ്ഥാനത്തുള്ള ബ്രിട്ടൻ ആറാം സ്ഥാനത്തേക്ക്​ പതിക്കും.

Tags:    
News Summary - China To Overtake US As World's Biggest Economy By 2028

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.