ഒരുമാറ്റവുമില്ല; ഇന്ധനവില വീണ്ടും കൂട്ടി

കൊ​ച്ചി: ജീ​വി​തം അ​ടി​ക്ക​ടി ദു​സ്സ​ഹ​മാ​ക്കി ഇ​ന്ധ​ന​വി​ല വ​ർ​ധ​ന തു​ട​രു​ന്നു. പെ​ട്രോ​ളി​ന് 35 പൈ​സ​യും ഡീ​സ​ലി​ന് 37 പൈ​സ​യും വ​ർ​ധി​പ്പി​ച്ചു. തുടർച്ചയായി 21ാം ദിവസമാണ്​ എണ്ണക്കമ്പനികൾ വിലകൂട്ടുന്നത്​. കഴിഞ്ഞ 20 ദിവസത്തിനുള്ളിൽ ഡീസലിന്​ 5.87 രൂപയും പെട്രോളിന്​ 4.01 രൂപയുമാണ്​ കൂട്ടിയത്​.

പു​തി​യ വി​ല: തി​രു​വ​ന​ന്ത​പു​രം: പെ​ട്രോ​ൾ 107.74, ഡീ​സ​ൽ 101.3. കൊ​ച്ചി: പെ​ട്രോ​ൾ 105.78, ഡീ​സ​ൽ 99.46. കോ​ഴി​ക്കോ​ട്:​ പെ​ട്രോ​ൾ 105.96, ഡീ​സ​ൽ 99.66. 20 ദി​നം​കൊ​ണ്ട്​ ഒ​രു ലി​റ്റ​ർ ഡീ​സ​ലി​ന് കൂ​ടി​യ​ത്​ 5.30 രൂ​പ​യും പെ​ട്രോ​ളി​ന് 3.64 രൂ​പ​യു​മാ​ണ്. ഇ​തോ​ടെ എ​ല്ലാ ജി​ല്ല​യി​ലും ഡീ​സ​ൽ​വി​ല നൂ​റി​ലേ​ക്കെ​ത്താ​റാ​യി.

ഒരു വർഷത്തിനിടെ രാജ്യത്തെ ഇന്ധന വിലയിലുണ്ടായത്​ 30 ശതമാനത്തിന്‍റെ വമ്പൻ വർധന. കഴിഞ്ഞ വർഷം ഒക്​ടോബറിൽ ഒരു ലിറ്റർ ഡീസലിന്​ 76.82 രൂപയും ഒരു ലിറ്റർ പെട്രോളിന്​ 82.01 രൂപയുമായിരുന്നു കോഴിക്കോടുള്ള വില. ഇന്ന്​ ഒരു ലിറ്റർ ഡീസലിന്​ 99.26 രൂപയും പെട്രോളിന്​ 105.57 രൂപയുമാണ്​ കോഴിക്കോ​ട്ടെ വില നിലവാരം. ഒരു വർഷത്തിനിടെ ഡീസലിന് 22.44 രൂപയും പെട്രോളിന്​ 23.56 രൂപയും വർധിച്ചതായി​ കോഴിക്കോ​ട്ടെ വില നിലവാരം പരിശോധിച്ചാൽ തന്നെ മനസിലാകും.

ഡീസലിന്‍റെ വിലയിലാണ്​ വർധനയുടെ തോത്​ അൽപം കൂടുതൽ​. ഡീസലിന്​ 29.22 ​ശതമാനം വില വർധിച്ചപ്പോൾ പെട്രോളിന്​ 28.67 ശതമാനം വില വർധനയാണുണ്ടായത്​. ഇന്ധന വില വർധന നിത്യോപയോഗ സാധനങ്ങളുടെയടക്കം വിലയിൽ പ്രതിഫലിക്കുമെന്നതിനാൽ വില വർധന എല്ലാ മേഖലകളെയും ബാധിച്ചിട്ടുണ്ട്​. പാചകവാതകത്തിനും വിലയിൽ വൻ വർധനയുണ്ടായിട്ടുണ്ട്​.