മുംബൈ: ആഗോള സാമ്പത്തിക മേഖലയിൽ പ്രതിസന്ധി രൂക്ഷമാകുന്നതിനിടെ സ്വർണ്ണ വില ഉയരുന്നു. വെള്ളിയാഴ്ച ഗ്രാമിന് 40 രൂപ വർധിച്ച് 3180 രൂപയായി. പവന് 320 രൂപ ഉയർന്ന് 25,440 രൂപയിലെത്തി. രാജ്യാന്തര വിപണിയിലും സ്വർണ്ണ വില ഉയരുകയാണ്.
അന്താരാഷ്ട്ര വിപണിയിൽ ഉണ്ടായ വർധന തന്നെയാണ് ഇന്ത്യൻ വിപണിയിലും പ്രതിഫലിച്ചത്. ആഗോള വിപണിയിൽ സ്വർണ്ണ വിലയിൽ 1.3 ശതമാനം വർധനയാണ് രേഖപ്പെടുത്തിയത്. ഔൺസിന് 1,405.83 ഡോളറാണ് സ്വർണ വില. 2003ന് ശേഷം ഇതാദ്യമായാണ് സ്വർണ്ണ വിലയിൽ ഇത്രയും വർധന രേഖപ്പെടുത്തുന്നത്.
യു.എസ് ഫെഡറൽ റിസർവ് പലിശ നിരക്കുകൾ കുറച്ചേക്കുമെന്ന വാർത്തകളാണ് സ്വർണത്തിന് കരുത്തേകിയത്. യു.എസിൽ ട്രഷറി ബോണ്ടുകളിൽ നിന്നുള്ള വരുമാനവും കുറയുകയാണ്. ഇത് സ്വർണ്ണത്തിൽ നിക്ഷേപം വർധിക്കാൻ കാരണമാകുന്നുണ്ട്. ഇതിന് പുറമേ യുറോപ്യൻ സെൻട്രൽ ബാങ്കും, ജപ്പാൻ ബാങ്കും സാമ്പത്തിക സ്ഥിതി സംബന്ധിച്ച് ആശങ്കകൾ പ്രകടിപ്പിച്ചിട്ടുണ്ട്. ഇതും മഞ്ഞ ലോഹത്തിൻെറ വില ഉയരാൻ കാരണമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.