മലബാര്‍ ഗോള്‍ഡ് ആൻഡ് ഡയമണ്ട്സിന്റെ ഫീനിക്‌സ് മാള്‍ ഓഫ് ഏഷ്യയിലെ പുതിയ ഷോറൂം നടി ശ്രീനിധി ഷെട്ടി ഉദ്ഘാടനം ചെയ്യുന്നു
ദുബൈ: മലബാര്‍ ഗോള്‍ഡ് ആൻഡ് ഡയമണ്ട്‌സ് കര്‍ണാടകയിലെ ഹെബ്ബാളിലുള്ള ഫീനിക്‌സ് മാള്‍ ഓഫ് ഏഷ്യയില്‍ പുതിയ ഷോറൂം ആരംഭിച്ചു. മലബാര്‍ ഗ്രൂപ് ചെയര്‍മാന്‍ എം.പി അഹമ്മദിന്‍റെ സാന്നിധ്യത്തില്‍ പ്രശസ്ത നടി ശ്രീനിധി ഷെട്ടി ഷോറൂമിന്‍റെ ഉദ്ഘാടനം നിര്‍വഹിച്ചു. മലബാര്‍ ഗോള്‍ഡ് ആൻഡ് ഡയമണ്ട്‌സ് ഇന്ത്യ ഓപറേഷന്‍സ് മാനേജിങ് ഡയറക്ടര്‍ ഒ. ആഷര്‍, ഇന്റര്‍നാഷനല്‍ ഓപറേഷന്‍സ് മാനേജിങ് ഡയറക്ടര്‍ ഷംലാല്‍ അഹമ്മദ്, കർണാടക റീജനല്‍ ഹെഡ് ഫില്‍സര്‍ ബാബു, മറ്റ് മാനേജ്‌മെന്‍റ് ടീം അംഗങ്ങള്‍, ഉപഭോക്താക്കള്‍, അഭ്യുദയകാംക്ഷികള്‍ എന്നിവരും ചടങ്ങില്‍ സന്നിഹിതരായിരുന്നു.
മൈന്‍ ഡയമണ്ട് ആഭരണങ്ങള്‍, ഇറ അണ്‍കട്ട് ഡയമണ്ട് ആഭരണങ്ങള്‍, ഡിവൈന്‍ ഇന്ത്യന്‍ ഹെറിറ്റേജ് ആഭരണങ്ങള്‍, എത്നിക്സ് ഹാൻഡ് ക്രാഫ്റ്റ്ഡ് ജ്വല്ലറി, പ്രെഷ്യ-അമൂല്യ രത്‌നാഭരണങ്ങള്‍ തുടങ്ങി മലബാര്‍ ഗോള്‍ഡ് ആൻഡ് ഡയമണ്ട്സിന്റെ എക്‌സ്‌ക്ലൂസിവ് ബ്രാന്‍ഡുകളിലെ ഡിസൈനുകളെല്ലാം, ഫീനിക്‌സ് മാള്‍ ഓഫ് ഏഷ്യയുടെ താഴത്തെ നിലയില്‍ സ്ഥിതി ചെയ്യുന്ന ഷോറൂമില്‍ ഒരുക്കിയിട്ടുണ്ട്. കർണാടകയില്‍ പുതിയ ഷോറൂം തുറക്കുന്നതില്‍ അതിയായ സന്തോഷമുണ്ടെന്ന് മലബാര്‍ ഗ്രൂപ് ചെയര്‍മാന്‍ എം.പി അഹമ്മദ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.