ന്യൂഡൽഹി: രാജ്യത്ത് 31 ദിവസങ്ങൾക്ക് ശേഷം ഡീസൽ വില 20 പൈസ കുറച്ചു. അതേസമയം, രാജ്യത്തെ പെട്രോൾ വിലയിൽ മാറ്റമില്ല. പെട്രോൾ വില 100 രൂപക്ക് മുകളിൽ തന്നെ തുടരുകയാണ്.
രാജ്യതലസ്ഥാനമായ ഡൽഹിയിൽ ഡീസൽ വില 89.67 രൂപയായി കുറഞ്ഞു. മുംബൈയിൽ ഡീസൽ വില 97.24 രൂപയായി കുറഞ്ഞു. കൊച്ചിയിൽ ഒരു ലിറ്റർ ഡീസലിന് 94.49 രൂപയാണ് വില. തിരുവനന്തപുരത്ത് ഡീസലിന് 96.26 രൂപയായി. അതേസമയം, അന്താരാഷ്ട്ര വിപണിയിൽ ബ്രെന്‍റ് ക്രൂഡോയിലിന്‍റെ വില ബാരലിന് 69.11 ഡോളറാണ്. ബ്രെന്‍റ് ക്രൂഡിന്‍റെ വിലയിൽ നേരിയ വർധനവ് രേഖപ്പെടുത്തിയിട്ടുണ്ട്.
നികുതി കുറച്ച് ഇന്ധനവില വർധനവിൽ നിന്ന് ആശ്വാസം നൽകാനാവില്ലെന്ന് ധനമന്ത്രി നിർമല സീതാരാമൻ കഴിഞ്ഞ ദിവസം അറിയിച്ചിരുന്നു. യു.പി.എ സർക്കാർ പുറത്തിറക്കിയ ഓയിൽ ബോണ്ടുകളാണ് നികുതി കുറക്കുന്നതിന് തടസമെന്നും നിർമല സീതാരാമൻ അറിയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.