ഗ്രേസ് മാർക്കില്ല; പ്ലസ് ടു മൂല്യനിർണയത്തിൽ അപാകത

കാ​സ​ർ​കോ​ട്: പ്ല​സ്​ ടു ​മൂ​ല്യ​നി​ർ​ണ​യ​ത്തി​ൽ ഗ്രേ​സ് മാ​ർ​ക്കി​നെ ചൊ​ല്ലി വി​വാ​ദം. ക​ഴി​ഞ്ഞ ദി​വ​സം പ്ല​സ് ടു ​ഫ​ലം വ​ന്നെ​ങ്കി​ലും ചി​ല വി​ദ്യാ​ർ​ഥി​ക​ൾ​ക്ക് ഗ്രേ​സ് മാ​ർ​ക്ക് ഇ​ല്ലാ​തെ​യാ​ണ് ഫ​ലം വ​ന്നി​രി​ക്കു​ന്ന​ത്. കേ​ര​ള​ത്തി​ലെ ഒ​ട്ടു​മി​ക്ക സ്കൂ​ളു​ക​ളി​ലും ഇ​തു​ത​ന്നെ​യാ​ണ് സ്ഥി​തി. ഫ​ലം വ​ന്ന​പ്പോ​ൾ കു​ട്ടി​ക​ളു​ടെ ഗ്രേ​സ് മാ​ർ​ക്ക് ആ ​കോ​ള​ത്തി​ൽ ല​ഭ്യ​മാ​യി​ട്ടി​ല്ല. പ​ക​രം, വെ​രി​ഫൈ​ഡ് എ​ന്ന് മാ​ത്ര​മാ​ണു​ള്ള​ത്. ഗ്രേ​സ് മാ​ർ​ക്ക് ഇ​ല്ലാ​ത്ത​തു​കൊ​ണ്ടു​ത​ന്നെ കു​ട്ടി​ക​ളു​ടെ ആ​കെ മാ​ർ​ക്കി​ൽ വ്യ​ത്യാ​സം വ​രും. അ​തു​കൊ​ണ്ടു​ത​ന്നെ പ​ല സ്കൂ​ളു​ക​ളി​ലെ​യും അ​ധ്യാ​പ​ക​ർ തി​രു​വ​ന​ന്ത​പു​ര​ത്തേ​ക്ക് ഓ​ടു​ക​യാ​ണ്. ചെ​റി​യ മാ​ർ​ക്കി​ന് പ്ല​സ് ടു ​പ​രാ​ജ​യ​പ്പെ​ട്ട വി​ദ്യാ​ർ​ഥി​ക​ളു​ടെ കാ​ര്യ​മാ​ണ് ദ​യ​നീ​യം. ആ ​വി​ദ്യാ​ർ​ഥി​ക​ളോ​ട് ആ​ര് സ​മാ​ധാ​നം പ​റ​യു​മെ​ന്നാ​ണ് ര​ക്ഷി​താ​ക്ക​ൾ ചോ​ദി​ക്കു​ന്ന​ത്.

പ​രീ​ക്ഷ തു​ട​ങ്ങു​ന്ന​തി​ന് എ​ത്ര​യോ മു​മ്പ് സ​മ​ർ​പ്പി​ച്ച വി​ദ്യാ​ർ​ഥി​ക​ളു​ടെ സ​ർ​ട്ടി​ഫി​ക്ക​റ്റി​ൽ ചി​ല​ത് ശ​രി​യാ​യ​വി​ധ​ത്തി​ൽ അ​പ് ലോ​ഡ് ചെ​യ്യാ​ത്ത​തു​കൊ​ണ്ടും വ്യ​ക്ത​മാ​കാ​ത്ത​തു​കൊ​ണ്ടും നി​ര​സി​ച്ചി​രു​ന്നു എ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ, അ​ത് അ​പ്പോ​ൾ​ത​ന്നെ ശ​രി​യാ​ക്കി ഓ​ൺ​ലൈ​ൻ വ​ഴി അ​പേ​ക്ഷി​ച്ചി​രു​ന്നു എ​ന്നാ​ണ് ഹ​യ​ർ സെ​ക്ക​ൻ​ഡ​റി പ്രി​ൻ​സി​പ്പ​ൽ​മാ​രു​ടെ വാ​ദം. ഇ​ങ്ങ​നെ വീ​ണ്ടും അ​പേ​ക്ഷി​ച്ച സ​ർ​ട്ടി​ഫി​ക്ക​റ്റി​ൻ​മേ​ൽ ക്ലി​യ​റ​ൻ​സ് ല​ഭി​ക്കു​ന്ന​ത് പ​രീ​ക്ഷ ക​ഴി​ഞ്ഞി​ട്ടാ​ണ്. 90 ശ​ത​മാ​ന​ത്തി​ന് മു​ക​ളി​ൽ മാ​ർ​ക്ക് വാ​ങ്ങി​യ വി​ദ്യാ​ർ​ഥി​ക​ൾ​ക്ക് ക​ഴി​ഞ്ഞ​വ​ർ​ഷ​ത്തെ നി​ബ​ന്ധ​ന പ്ര​കാ​രം ഗ്രേ​സ് മാ​ർ​ക്ക് ല​ഭി​ക്കി​ല്ല. എ​ന്നാ​ൽ, ​ചെ​റി​യ മാ​ർ​ക്കി​ന്റെ വ്യ​ത്യാ​സ​ത്തി​ൽ പ​രാ​ജ​യ​പ്പെ​ട്ട കു​ട്ടി​ക്ക് ഗ്രേ​സ് മാ​ർ​ക്ക് ല​ഭി​ക്കാ​തെ​വ​ന്നാ​ൽ ആ​രോ​ട് പ​റ​യു​മെ​ന്നാ​ണ് വി​ദ്യാ​ർ​ഥി​ക​ളു​ടെ ചോ​ദ്യം.

ഡ​യ​റ​ക്ട​റേ​റ്റി​ൽ ഇ​തു​സം​ബ​ന്ധി​ച്ച് പ​രാ​തി​പ്പെ​ട്ട​പ്പോ​ൾ ഒ​രാ​ഴ്ച​ക്കു​ള്ളി​ൽ അ​പ്ഡേ​റ്റ് ചെ​യ്ത് വ​രു​മെ​ന്നാ​ണ് ബ​ന്ധ​പ്പെ​ട്ട പ്രി​ൻ​സി​പ്പ​ൽ​മാ​ർ​ക്ക് അ​റി​യി​പ്പ് ല​ഭി​ച്ച​ത്. എ​ൻ.​എ​സ്.​എ​സ്, ക​ലോ​ത്സ​വം എ​ന്നീ ഇ​ന​ങ്ങ​ളി​ലു​ള്ള വി​ദ്യാ​ർ​ഥി​ക​ളി​ൽ ചി​ല​ർ​ക്ക് ഗ്രേ​സ് മാ​ർ​ക്ക് ല​ഭി​ച്ചി​ട്ടു​ണ്ട്. അ​തേ​സ​മ​യം, സ്​​പോ​ർ​ട്സി​ലു​ള്ള കു​ട്ടി​ക​ളി​ൽ ചി​ല​ർ​ക്ക് ഗ്രേ​സ് മാ​ർ​ക്കി​ല്ല. ‘നോ​ട്ട് വെ​രി​ഫൈ ബൈ ​ഏ​ജ​ൻ​സി’ എ​ന്നാ​ണ് കാ​ണി​ക്കു​ന്ന​ത്. ഇ​ത് ഓ​രോ കൗ​ൺ​സി​ലു​ക​ളാ​ണ് വെ​രി​ഫൈ ചെ​യ്യേ​ണ്ട​ത്. പ​രീ​ക്ഷ​ക്കു മു​മ്പേ ചെ​യ്യേ​ണ്ടു​ന്ന ജോ​ലി​യി​ലാ​ണ് മൂ​ല്യ​നി​ർ​ണ​യം ക​ഴി​ഞ്ഞി​ട്ടും അ​പാ​ക​ത ഉ​ണ്ടാ​യി​രി​ക്കു​ന്ന​ത്. സം​ഭ​വ​ത്തി​ൽ സ​ത്വ​ര​ന​ട​പ​ടി ഉ​ണ്ടാ​ക​ണ​മെ​ന്നാ​ണ് അ​ധ്യാ​പ​ക​രു​ടേ​യും ര​ക്ഷി​താ​ക്ക​ളു​ടേ​യും ആ​വ​ശ്യം.