നീറ്റ്​; മലയാളത്തിലും എഴുതാം, പരീക്ഷ രജിസ്​ട്രേഷൻ ആരംഭിച്ചു

ന്യൂഡൽഹി: മെഡിക്കൽ പ്രവേശന പരീക്ഷയായ നീറ്റ് യുഉ​ പഞ്ചാബ്​, മലയാളം ഉൾപ്പെടെ 13 ഭാഷകളിലെഴുതാം. കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ അറിയിച്ചതാണ്​ ഇക്കാര്യം.

ജി.സി.സി രാജ്യങ്ങളിലെ ഇന്ത്യൻ വിദ്യാർഥികളെ കൂടി പരിഗണിച്ച്​ കുവൈത്തിലും ഇത്തവണ നീറ്റ്​ കേന്ദ്രം അനുവദിക്കും.

രജിസ്​​േട്രഷൻ ചെവ്വാഴ്ച വൈകിട്ട്​ അഞ്ചുമണിക്ക്​ ആരംഭിച്ചിരുന്നു. http://ntaneet.nic.in വഴി അപേക്ഷ സമർപ്പിക്കാം.

ഇംഗ്ലീഷ്​ കൂടാതെ ഹിന്ദി, അസമീസ്​, ബംഗാളി, ഒഡിയ, ഗുജറാത്തി, മറാത്തി, തെലുഗു, കന്നഡ, തമിഴ്​, ഉറുദു​ ഭാഷകളിൽ നേരത്തേ പരീക്ഷ എഴുതാൻ അനുവാദമുണ്ടായിരുന്നു. മലയാളവും പഞ്ചാബിയും ഇത്തവണ മുതൽ ഉൾപ്പെടുത്തി. 2020ലെ ദേശീയ വിദ്യാഭ്യാസ നയത്തിന്‍റെ ഭാഗമായാണ്​ പ്രദേശിക ഭാഷകളിൽ നീറ്റ്​ നടത്താനുള്ള തീരുമാനം.

ആഗസ്റ്റ്​ ഒന്നിന്​ പരീക്ഷ നടത്താനായിരുന്നു ആദ്യ തീരുമാനം. തുടർന്ന്​ സെപ്​റ്റംബർ 12ലേക്ക്​ മാറ്റിയതായി വിദ്യാഭ്യാസ മന്ത്രി അറിയിച്ചു.

കോവിഡ്​ സാഹചര്യത്തിൽ പരീക്ഷ ​നടത്തുന്ന നഗരങ്ങളുടെ എണ്ണം വർധിപ്പിച്ചിരുന്നു. 155ൽനിന്ന്​ 198ആയാണ്​ ഉയർത്തിയത്​. മുൻവർഷം 3862 പരീക്ഷ കേന്ദ്രങ്ങളു​ണ്ടായിരുന്നു. ഇത്തവണ എണ്ണം വീണ്ടും ഉയരും.

കോവിഡ്​ വ്യാപനത്തിന്‍റെ പശ്ചാത്തലത്തിൽ ​മുൻ വർഷം സെപ്​റ്റംബർ 13നായിരുന്നു നീറ്റ്​. കോവിഡ്​ മാനദണ്ഡങ്ങൾ പാലിച്ചായിരുന്നു പരീക്ഷ. പരീക്ഷയെഴുതിയ 13.66ലക്ഷം വിദ്യാർഥികളിൽ 7,71,500പേർ യോഗ്യത ​േ​നടിയിരുന്നു.