തൊ​ടി​യൂ​രി​ൽ ദ​മ്പ​തി​ക​ൾ വി​ജ​യി​ച്ചു, നെടുമ്പനയിൽ ഭാര്യമാർ ജയിച്ചു; ഭർത്താക്കന്മാർ തോറ്റു

ക​രു​നാ​ഗ​പ്പ​ള്ളി: ദ​മ്പ​തി​ക​ളാ​യ തൊ​ടി​യൂ​ർ വി​ജ​യ​കു​മാ​റും- ബി​ന്ദു വി​ജ​യ​കു​മാ​റും തൊ​ടി​യൂ​ർ ഗ്രാ​മ​പ​ഞ്ചാ​യ​ത്തി​ൽ മൂ​ന്ന്, ആ​റ് എ​ന്നീ വാ​ർ​ഡു​ക​ളി​ൽ മ​ത്സ​രി​ച്ചു. ഇ​രു​വ​രും ത​ക​ർ​പ്പ​ൻ വി​ജ​യം വ​രി​ച്ചു. തൊ​ടി​യൂ​ർ ഗ്രാ​മ​പ​ഞ്ചാ​യ​ത്തി​ലെ മൂ​ന്നാം വാ​ർ​ഡി​ൽ യു.​ഡി.​എ​ഫ് ടി​ക്ക​റ്റി​ൽ കോ​ൺ​ഗ്ര​സ് സ്ഥാ​നാ​ർ​ഥി​യാ​യി തൊ​ടി​യൂ​ർ വി​ജ​യ​കു​മാ​റും ഭാ​ര്യ ബി​ന്ദു വി​ജ​യ​കു​മാ​ർ തൊ​ട്ട​ടു​ത്ത വാ​ർ​ഡാ​യ ആ​റാം വാ​ർ​ഡി​ലു​മാ​ണ് കോ​ൺ​ഗ്ര​സ് ടി​ക്ക​റ്റി​ൽ മ​ത്സ​രി​ച്ച​ത്.

എ​ൽ.​ഡി.​എ​ഫി​ലെ സി.​പി.​എ​മ്മി​ലെ സു​നി​ൽ​കു​മാ​റി​നെ​യാ​ണ് 51 വോ​ട്ട്​ ഭൂ​രി​പ​ക്ഷ​ത്തി​ൽ വി​ജ​യ​കു​മാ​ർ പ​രാ​ജ​യ​പ്പെ​ടു​ത്തി​യ​ത്. എ​ന്നാ​ൽ, ഭാ​ര്യ ബി​ന്ദു വി​ജ​യ​കു​മാ​ർ സി.​പി.​എ​മ്മി​ലെ മു​ൻ പ​ഞ്ചാ​യ​ത്തം​ഗ​മാ​യ പ്ര​സ​ന്ന​യെ 196 വോ​ട്ടു​ക​ൾ​ക്ക് പ​രാ​ജ​യ​പ്പെ​ടു​ത്തി.

ഭാര്യമാർ ജയിച്ചു; ഭർത്താക്കന്മാർ തോറ്റു

കൊട്ടിയം: നെടുമ്പന പഞ്ചായത്തിൽനിന്ന്​ മത്സരിച്ച മൂന്ന്​ ദമ്പതികളിൽ ഭർത്താക്കന്മാരെല്ലാം തോറ്റു, ഭാര്യമാർ ജയിച്ചു. നെടുമ്പന പഞ്ചായത്തിലെ പതിമൂന്നാം വാർഡായ കുളപ്പാടം സൗത്തിൽ മത്സരിച്ച ആരിഫ സജീവ് തെരഞ്ഞെടുക്കപ്പെട്ടപ്പോൾ പതിനാലാം വാർഡായ മുട്ടയ്ക്കാവ് നോർത്തിൽ യു.ഡി.എഫ് സ്ഥാനാർഥിയായി മത്സരിച്ച ഇവരുടെ ഭർത്താവ് സജീവ് കുളപ്പാടം പരാജയപ്പെട്ടു.

രണ്ടാം വാർഡിൽ നിന്നും യു.ഡി.എഫ് സ്ഥാനാർഥിയായി മൽസരിച്ച ഷീലാ മനോഹരൻ വിജയിച്ചപ്പോൾ ഇവരുടെ ഭർത്താവായ മനോഹരൻ 23ാം വാർഡായ പഴങ്ങാലത്ത് പരാജയപ്പെട്ടു. 15ാം വാർഡായ മുട്ടയ്ക്കാവ് സൗത്തിൽ എൽ.ഡി.എഫ് സ്ഥാനാർഥിയായി മൽസരിച്ച ബിനു നാസറുദീൻ വിജയിച്ച​േപ്പാൾ ഇവരുടെ ഭർത്താവ് നാസറുദീൻ മുഖത്തല ബ്ലോക്ക് പഞ്ചായത്തിലേക്ക് നെടുമ്പന ഡിവിഷനിൽ പരാജയപ്പെട്ടു.