ഓയൂർ: പൂയപ്പള്ളി മൈലോട്ട് നെല്ലിപ്പറമ്പിൽ മാനസിക വൈകല്യമുള്ള യുവതിയെ പീഡിപ്പിക്കാൻ ശ്രമിച്ച മധ്യവയസ്കൻ അറസ്റ്റിലായി. മൈലോട് നെല്ലിപ്പറമ്പിൽ തൈക്കാട് വീട്ടിൽ വിജയൻ ഉണ്ണിത്താനെയാണ് (58) പൂയപ്പള്ളി പൊലീസ് അറസ്റ്റ് ചെയ്തത്. ഞായറാഴ്ച വൈകീട്ട് മൂന്നോടെയായിരുന്നു സംഭവം.
മറ്റാരുമില്ലാത്ത സമയം നോക്കി വീട്ടിൽ അതിക്രമിച്ച് കയറി യുവതിയെ കയറിപ്പിടിക്കുകയും ലൈംഗികാതിക്രമത്തിന് ശ്രമിക്കുകയുമായിരുന്നു. നിലവിളി കേട്ട് അയൽവാസികൾ എത്തിയപ്പോഴേക്കും ഇയാൾ രക്ഷപ്പെട്ടു.
ബന്ധുക്കളുടെ പരാതിയെതുടർന്ന് കേസെടുത്ത പൊലീസ് വിജയനെ അറസ്റ്റ് ചെയ്തു. കഴിഞ്ഞ ഒമ്പതിന് സമാനമായ രീതിയിൽ യുവതിയോട് അതിക്രമം കാട്ടിയിരുന്നു. അന്ന് ഇയാളെ പിടികൂടുകയും നാട്ടുകാരുടെ സാന്നിധ്യത്തിൽ മാപ്പുപറയുകയും ചെയ്തു.
ഇനി ഒരിക്കലും ആവർത്തിക്കില്ലെന്ന് എഴുതി ഒപ്പിടീച്ച ശേഷം വിട്ടയക്കുകയായിരുന്നു. പൂയപ്പള്ളി എസ്.എച്ച്. ഒ. ബിജു, എസ്.ഐ അഭിലാഷ് എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.