യു​വാ​വി​നെ കൊ​ല്ലാ​ൻ ശ്ര​മം; ര​ണ്ടു​പേ​ർ​കൂ​ടി പി​ടി​യി​ൽ

കോ​ട്ട​യം: യു​വാ​വി​നെ കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ ഒ​ളി​വി​ലി​രു​ന്ന ര​ണ്ടു​പേ​ർ​കൂ​ടി അ​റ​സ്റ്റി​ൽ. ആ​ർ​പ്പൂ​ക്ക​ര പ​ന​മ്പാ​ലം കൊ​പ്ര​യി​ൽ വീ​ട്ടി​ൽ ജോ​ൺ​സി ജേ​ക്ക​ബ് (32), അ​തി​ര​മ്പു​ഴ ച​ന്ത​ക്കു​ളം ഭാ​ഗ​ത്ത് ഇ​ഞ്ചി​ക്കാ​ല​യി​ൽ വീ​ട്ടി​ൽ ഇ​ർ​ഫാ​ൻ ഇ​സ്മ​യി​ൽ (20) എ​ന്നി​വ​രെ​യാ​ണ് ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്‍റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്. ഇ​വ​രും സു​ഹൃ​ത്തു​ക്ക​ളും ചേ​ർ​ന്ന് ക​ഴി​ഞ്ഞ മാ​സം 21ന്​ ​പു​തു​പ്പ​ള്ളി പേ​ര​ച്ചു​വ​ട് ഭാ​ഗ​ത്തു​ള്ള ഹോ​ട്ട​ലി​ൽ ഇ​രു​ന്ന് ഭ​ക്ഷ​ണം ക​ഴി​ച്ചു​കൊ​ണ്ടി​രു​ന്ന യു​വാ​വി​നെ മ​ർ​ദി​ക്കു​ക​യും ക​ത്തി​കൊ​ണ്ട് കു​ത്തി​ക്കൊ​ല​പ്പെ​ടു​ത്താ​ൻ ശ്ര​മി​ക്കു​ക​യു​മാ​യി​രു​ന്നു.

ജോ​ൺ​സി ജേ​ക്ക​ബി​ന്‍റെ സ​ഹോ​ദ​ര​നാ​യ അ​ലോ​ട്ടി​യെ​ന്ന്​ വി​ളി​ക്കു​ന്ന ജ​യിം​സ് മോ​നെ​തി​രെ യു​വാ​വി​ന്‍റെ പി​താ​വ് മു​മ്പ്​ പൊ​ലീ​സി​ൽ പ​രാ​തി ന​ൽ​കി​യ​തി​ലു​ള്ള വി​രോ​ധം മൂ​ല​മാ​ണ് ഇ​വ​ർ യു​വാ​വി​നെ കൊ​ല​പ്പെ​ടു​ത്താ​ൻ ശ്ര​മി​ച്ച​ത്. പ​രാ​തി​യെ​ത്തു​ട​ർ​ന്ന് ഈ​സ്റ്റ് പൊ​ലീ​സ് കേ​സ് ര​ജി​സ്റ്റ​ർ ചെ​യ്യു​ക​യും എ​സ്.​പി​യു​ടെ നേ​തൃ​ത്വ​ത്തി​ലു​ള്ള സം​ഘം ജ​യിം​സ് മോ​നേ​യും ടി​ജോ കെ. ​തോ​മ​സി​നെ​യും പി​ടി​കൂ​ടു​ക​യും ചെ​യ്തി​രു​ന്നു. ജോ​ൺ​സി ജേ​ക്ക​ബി​ന് ഗാ​ന്ധി​ന​ഗ​ർ, കോ​ട്ട​യം വെ​സ്റ്റ് എ​ന്നീ സ്റ്റേ​ഷ​നു​ക​ളി​ലും, ഇ​ർ​ഫാ​ൻ ഇ​സ്മ​യി​ലി​ന് ഏ​റ്റു​മാ​നൂ​ർ, ഗാ​ന്ധി​ന​ഗ​ർ എ​ന്നീ സ്റ്റേ​ഷ​നു​ക​ളി​ലും ക്രി​മി​ന​ൽ കേ​സു​ക​ൾ നി​ല​വി​ലു​ണ്ട്.