ഏറ്റുമാനൂർ: മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ച 48 കാരന്റെ മരണവുമായി ബന്ധപ്പെട്ട് അതിരമ്പുഴ പടിഞ്ഞാറ്റും ഭാഗത്ത് ചെറ്റേപ്പറമ്പിൽ വീട്ടിൽ പുള്ള് കുഞ്ഞുമോൻ എന്ന കുഞ്ഞുമോൻ (71) അറസ്റ്റിൽ. അതിരമ്പുഴ പടിഞ്ഞാറ്റുംഭാഗത്ത് വട്ടുകുളം വീട്ടിൽ ഷിജു എന്ന സെബാസ്റ്റ്യൻ (48) ആണ് മരിച്ചത്. ജൂൺ 16ന് വൈകുന്നേരം സ്കൂട്ടർ ഓടിച്ചു വരവേ കുഴഞ്ഞു വീണ സെബാസ്റ്റ്യൻ മെഡിക്കൽ കോളജ് ആശുപത്രിയിൽ ചികിത്സയിലിരിക്കെ 28 നാണ് മരിച്ചത്.
മരണകാരണം പ്ലീഹക്ക് ഏറ്റ ആഘാതമാണെന്ന് കണ്ടെത്തിയതിനെതുടർന്ന് നടത്തിയ അന്വേഷണത്തിലാണ് ഇരുവരും തമ്മിൽ സംഘർഷമുണ്ടായത് വെളിപ്പെടുന്നത്. അതിരമ്പുഴ മാര്‍ക്കറ്റിനു സമീപം ശീട്ടു കളിക്കുന്ന സ്ഥലത്ത് സംഘർഷം ഉണ്ടാവുകയും കുഞ്ഞുമോൻ കരിങ്കല്ല് കഷണം കൊണ്ട് സെബാസ്റ്റ്യനെ ആക്രമിക്കുകയുമായിരുന്നു. ഇതിനുശേഷം സ്ഥലത്തുനിന്നു മടങ്ങിയ സെബാസ്റ്റ്യൻ പോകുന്ന വഴി കുഴഞ്ഞുവീഴുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.