മഞ്ചേരി: അഞ്ച് വയസ്സുകാരിയെ പീഡനത്തിന് ഇരയാക്കിയ കേസിൽ കാവനൂര് കോലോത്തുവീട്ടില് ഷിഹാബുദ്ദീൻ (33) കുറ്റക്കാരനെന്ന് മഞ്ചേരി ഫാസ്റ്റ് ട്രാക് പോക്സോ സ്പെഷല് കോടതി കണ്ടെത്തി. ശിക്ഷ ഏപ്രില് രണ്ടിന് ജഡ്ജി പി.ടി. പ്രകാശന് വിധിക്കും. 2016 ഫെബ്രുവരി 12ന് വൈകീട്ട് 6.45നായിരുന്നു സംഭവം. വാടക ക്വാര്ട്ടേഴ്സില് താമസിക്കുന്ന കുഞ്ഞിനെ പ്രതി സ്വന്തം താമസസ്ഥലത്തേക്ക് കൂട്ടിക്കൊണ്ടുപോയി പീഡനത്തിനിരയാക്കുകയായിരുന്നു. ശാരീരിക അസ്വസ്ഥത പ്രകടിപ്പിച്ച കുട്ടിയോട് മാതാവ് കാര്യങ്ങള് ചോദിച്ചറിഞ്ഞ് അരീക്കോട് പൊലീസില് പരാതി നല്കുകയായിരുന്നു. മഞ്ചേരി സി.ഐമാരായിരുന്ന സണ്ണി ചാക്കോ, കെ.എം. ബിജു എന്നിവരാണ് അന്വേഷണം നടത്തിയത്.
17 സാക്ഷികളില് 13 പേരെ വിസ്തരിച്ചു. ഒമ്പതുരേഖകളും ഹാജരാക്കി. പ്രോസിക്യൂഷനുവേണ്ടി ജില്ല പബ്ലിക് പ്രോസിക്യൂട്ടര് അഡ്വ. എ. സോമസുന്ദരന് ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.