പത്തനംതിട്ട: പിടികിട്ടാപ്പുള്ളിയായ മോഷ്ടാവിനെ പന്തളം പൊലീസ് പിടികൂടി. 17 വർഷം മുമ്പ് രജിസ്റ്റർ ചെയ്ത കേസിലെ പ്രതിയായ മാവേലിക്കര തഴക്കര കോനയ്യത്ത് വീട്ടിൽ അനീഷിനെയാണ് (39) വെള്ളിയാഴ്ച രാവിലെ വീടിനടുത്തുനിന്ന് പൊലീസി‍െൻറ പിടിയിലായത്.
പന്തളം സ്റ്റേഷനിലേത് കൂടാതെ മറ്റു ചില പൊലീസ് സ്റ്റേഷനുകളിലായി നാല് മോഷണക്കേസിലും മാവേലിക്കര പൊലീസ് സ്റ്റേഷനിലെ ഒരു വധശ്രമക്കേസിലും പ്രതിയാണ്.
ഒരാഴ്ചയായി ഇയാൾ നാട്ടിലുണ്ടെന്ന് പൊലീസിന് വിവരം ലഭിച്ചിരുന്നു. വേഷം മാറി സ്ഥലത്ത് തങ്ങിയ പൊലീസ് സംഘം ഇൻസ്‌പെക്ടർ എസ്. ശ്രീകുമാറി‍െൻറ നേതൃത്വത്തിൽ പ്രതിയെ പിടികൂടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.