ജസ്റ്റിൻ, ഡോൺ
കോട്ടയം: യുവാവിനെ ആക്രമിച്ച് സ്വർണവും സ്‌കൂട്ടറും കവർന്ന അക്രമിസംഘത്തിലെ രണ്ടുപേർ പിടിയിൽ. വടവാതൂർ ഡംപിങ് യാർഡിനുസമീപം പുത്തൻപുരക്കൽ വീട്ടിൽ ജസ്റ്റിൻ, മുട്ടമ്പലം സ്വദേശി മാന്നാനം കുട്ടിപ്പടി പരിയരത്തുശ്ശേരി വീട്ടിൽ ഡോൺ എന്നിവരാണ് പിടിയിലായത്.കോട്ടയം റെയിൽവേ സ്റ്റേഷന് പിൻവശത്തെ ഗോഡൗൺ ഭാഗത്ത് ആലപ്പുഴ എഴുപുന്ന സ്വദേശി രജീഷിെൻറ സ്‌കൂട്ടർ, അണിഞ്ഞിരുന്ന മാല, കടുക്കൻ എന്നിവയാണ് സംഘം കവർന്നത്. കേസിലെ ഒന്നും രണ്ടും പ്രതികളാണ് ഇവർ.
ഡിവൈ.എസ്.പി എസ്. സന്തോഷ് കുമാറിന് ലഭിച്ച രഹസ്യ വിവരത്തിെൻറ അടിസ്ഥാനത്തിൽ ഈസ്റ്റ് എസ്.എച്ച്.ഒ റിജോ പി. ജോസഫ്, എസ്.ഐ അനീഷ് കുമാർ എന്നിവർ ചേർന്നാണ് അറസ്റ്റ് ചെയ്തത്.
എസ്.ഐമാരായ ഷിബുക്കുട്ടൻ, ശ്രീരംഗൻ, രാജ്‌മോഹൻ, ചന്ദ്രബാബു എന്നിവരും അന്വേഷണസംഘത്തിൽ ഉണ്ടായിരുന്നു. കഞ്ഞികുഴി ഹോബ് നോബ് ഹോട്ടൽ അതിക്രമിച്ച കേസിലെ പ്രതികളും പൊലീസ് വാഹനം അടിച്ചുതകർത്ത കേസിൽ കോടതിയിൽ വിചാരണ നേരിടുന്നവരുമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.