വീട്ടമ്മയെ വീടുകയറി വെട്ടിപ്പരിക്കേൽപ്പിച്ച സംഭവം: രണ്ടുപേർ പിടിയിൽ

തി​രു​വ​ല്ല: തി​രു​വ​ല്ല​യി​ലെ ക​ല്ലു​ങ്ക​ലി​ൽ 67കാ​രി​യെ വീ​ടു​ക​യ​റി വെ​ട്ടി​പ്പ​രി​ക്കേ​ൽ​പ്പി​ച്ച സം​ഭ​വ​ത്തി​ൽ ര​ണ്ടു​പേ​ർ പു​ളി​ക്കീ​ഴ് പൊ​ലീ​സി​ന്‍റെ പി​ടി​യി​ലാ​യി.ക​ല്ലു​ങ്ക​ൽ തൈ​പ്പ​റ​മ്പി​ൽ വീ​ട്ടി​ൽ റോ​ബി​ൻ (19), പൊ​ടി​യാ​ടി കോ​യ​പ്പ​ള്ളി വീ​ട്ടി​ൽ മ​നു (30) എ​ന്നി​വ​രാ​ണ് വ്യാ​ഴാ​ഴ്ച പു​ല​ർ​ച്ച പി​ടി​യി​ലാ​യ​ത്.

ക​ല്ലു​ങ്ക​ൽ മം​ഗ​ല​പ്പ​റ​മ്പി​ൽ കൃ​പാ​ല​യ​ത്തി​ൽ ശോ​ശാ​മ്മ ഫി​ലി​പ്പി​ന്‍റെ വീ​ട് ക​യ​റി ആ​ക്ര​മ​ണം ന​ട​ത്തി ശോ​ശാ​മ്മ​യെ​യും മ​ക​നെ​യും അ​തി​ക്രൂ​ര​മാ​യി മ​ർ​ദി​ക്കു​ക​യും ശോ​ശാ​മ്മ​യെ വെ​ട്ടി പ​രി​ക്കേ​ൽ​പ്പി​ക്കു​ക​യും ചെ​യ്ത സം​ഭ​വ​ത്തി​ലാ​ണ് അ​റ​സ്റ്റ്. ഇ​ക്ക​ഴി​ഞ്ഞ ഏ​ഴാം തീ​യ​തി രാ​ത്രി 10 മ​ണി​യോ​ടെ​യാ​ണ്​ കേ​സി​നാ​സ്പ​ദ​മാ​യ സം​ഭ​വം.

ആ​റം​ഗ സം​ഘ​മാ​ണ് വ​ടി​വാ​ൾ ഉ​ൾ​പ്പെ​ടെ​യു​ള്ള മാ​ര​കാ​യു​ധ​ങ്ങ​ളു​മാ​യി ആ​ക്ര​മ​ണം ന​ട​ത്തി​യ​ത്. ആ​ക്ര​മ​ണ​ത്തി​ന്‍റെ ദൃ​ശ്യ​ങ്ങ​ൾ ശോ​ശാ​മ്മ​യു​ടെ വീ​ട്ടി​ലെ സി.​സി.​ടി.​വി​യി​ൽ പ​തി​ഞ്ഞി​രു​ന്നു.വെ​ട്ടേ​റ്റ ശോ​ശാ​മ്മ താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ തേ​ടി​യി​രു​ന്നു. ശോ​ശാ​മ്മ​യു​ടെ പ​രാ​തി​യി​ൽ ര​ജി​സ്റ്റ​ർ ചെ​യ്ത കേ​സി​ലാ​ണ് പ്ര​തി​ക​ളെ പി​ടി​കൂ​ടി​യ​ത്. കേ​സി​ൽ നാ​ല് പ്ര​തി​ക​ൾ കൂ​ടി ഉ​ണ്ടെ​ന്ന് പൊ​ലീ​സ് പ​റ​ഞ്ഞു.