അലി
മൂവാറ്റുപുഴ: കുടുംബ വഴക്കിനെത്തുടർന്ന് മാറി താമസിച്ചു വന്ന യുവതിയെ കുത്തിക്കൊല്ലാൻ ശ്രമിച്ച കേസിൽ ഭർത്താവിനെ അറസ്റ്റുചെയ്തു. നിരപ്പ് ഒഴുപാറ പാമ്പാക്കുടചാലിൽ അലിയാണ്(47) പിടിയിലായത്. ബുധനാഴ്ച ഉച്ചക്ക് 2.30 ഓടെ രണ്ടാർ കരയിലെ മാസ് പ്ലൈവുഡ്കമ്പനിയിലാണ് സംഭവം. കുടുംബ വഴക്കിനെ തുടർന്ന് അകന്ന് കഴിയുകയായിരുന്ന ഇയാളുടെ ഭാര്യ സറീനയെ (37) ഇവർ ജോലി ചെയ്തു വന്ന കമ്പനിയിൽ എത്തിയാണ് കത്തികൊണ്ട് കുത്തിയത്. മാസ്ക് കൊണ്ട് മുഖം പൂർണമായി മറച്ച് എത്തിയ അലി ഇവരെ പിന്നിൽ നിന്നും കുത്തുകയായിരുന്നു. സംഭവത്തിനുശേഷം ഓടിരക്ഷപ്പെട്ട ഇയാൾ മൊബൈൽ ഫോൺ ഓഫാക്കി ഒളിവിൽ പോയി. മൂവാറ്റുപുഴ ഡിവൈ.എസ്.പി. മുഹമ്മദ് റിയാസിന്റ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.