മുംബൈ: കാമുകിയെ വെടിവെച്ച് കൊന്ന് യുവാവ് ജീവനൊടുക്കി. മഹാരാഷ്ട്രയിലെ പാൽഗർ ജില്ലയിലാണ് സംഭവം. ശ്രീകൃഷ്ണയാദവ്, കാമുകി നേഹ മെഹതോ എന്നിവരാണ് മരിച്ചതെന്നും ഇരുവരും തമ്മിലുണ്ടായ തർക്കമാണ് കൊലപാതകത്തിലേക്ക് നയിച്ചതെന്നും പൊലീസ് അറിയിച്ചു.
കാമുകിയെ വെടിവെച്ച് കൊലപ്പെടുത്തിയ ശേഷം ശ്രീകൃഷ്ണയാദവ് സി.ഐ.എസ്.എഫിന്‍റെ വാഹനത്തിനുമുന്നിലേക്ക് ചാടുകയായിരുന്നു. ഗുരുതര പരിക്കേറ്റ ഇയാളെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സംഭവത്തിന്‍റെ സി.സി.ടി.വി ദൃശ്യങ്ങൾ പൊലീസിന് ലഭിച്ചിട്ടുണ്ട്.
'ഇരുവരും തമ്മിലുണ്ടായ തർക്കമാണ് കൊലപാതകത്തിലേക്ക് നയിച്ചതെന്ന് കരുതുന്നു. ലഭിച്ച വിവരങ്ങളനുസരിച്ച് യുവതി ബിഹാർ സ്വദേശിയും യുവാവ് ഉത്തർ പ്രദേശ് സ്വദേശിയുമാണ്. കുറച്ച് വർഷങ്ങളായി ഇരുവരും ഒരുമിച്ച് താമസിച്ച് വരികയായിരുന്നു'- പൊലീസ് പറഞ്ഞു. സംഭവത്തിൽ കൂടുതൽ അന്വേഷണം നടന്നുവരികയാണെന്നും അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.