തിരൂർ: വൈരങ്കോട് താമസക്കാരനായ അന്തർ സംസ്ഥാന തൊഴിലാളിയുടെ പണവും മൊബൈൽ ഫോണുകളും കവർന്ന കേസിൽ മണിപ്പൂർ സ്വദേശികളായ രണ്ടുപേരെ തിരൂർ പൊലീസ് അറസ്റ്റ് ചെയ്തു. മൊബൈൽ ഫോണുകളും 30,000 രൂപയും കളവ് നടത്തിയ കേസിലാണ് മണിപ്പൂർ സ്വദേശികളായ മുഹമ്മദ് മുനീബ് റഹ്മാൻ (25), ഖലക്ക് ഫാം റൂണക് ഷാ (20) എന്നിവരെ പൊലീസ് പിടികൂടിയത്.
സി.സി ടി.വി കേന്ദ്രീകരിച്ച് പൊലീസ് നടത്തിയ അന്വേഷണത്തിലാണ് പ്രതികൾ പിടിയിലായത്. കഴിഞ്ഞദിവസം ഉച്ചക്ക് തൊഴിലാളികൾ താമസിക്കുന്ന വൈരങ്കോടുള്ള ക്വാർട്ടേഴ്സിന്റെ വാതിൽ പൊളിച്ച് അകത്തുകയറിയാണ് പ്രതികൾ മോഷണം നടത്തിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.