കൂട്ടബലാത്സംഗ കേസിലെ പ്രതി ഡിംപിൾ
കൊച്ചി: സഞ്ചരിക്കുന്ന വാഹനത്തിൽ മോഡലിനെ കൂട്ടബലാത്സംഗം ചെയ്ത കേസിലെ പ്രതിരാജസ്ഥാൻ സ്വദേശിനിക്ക് ഹൈകോടതി ഉപാധികളോടെ ജാമ്യം അനുവദിച്ചു. കേസിലെ നാലാം പ്രതി രാജസ്ഥാൻ സ്വദേശി ഡോളി എന്ന ഡിംപിൾ ലാബക്കാണ് ജസ്റ്റിസ് ബെച്ചു കുര്യൻ തോമസ് ജാമ്യം നൽകിയത്.
ഡി.ജെ പാർട്ടിക്കായി ഇവർക്കൊപ്പം ബാറിലെത്തിയ കാസർകോട് സ്വദേശിയായ മോഡലിനെ ബലാത്സംഗം ചെയ്യാൻ ഒത്താശ ചെയ്തുവെന്നാണ് ആരോപണം. നവംബർ 17ന് രാത്രി എറണാകുളത്തെ ബാറിൽനിന്ന് മദ്യപിച്ചതിനെ തുടർന്ന് കുഴഞ്ഞുവീണ മോഡലിനെ വാഹനത്തിൽ കയറ്റിക്കൊണ്ടു പോയി കൊടുങ്ങല്ലൂർ സ്വദേശികളായ വിവേക് സുധാകരൻ, നിധിൻ മേഘനാഥൻ, ടി.ആർ. സുദീപ് എന്നിവർ ബലാത്സംഗം ചെയ്തുവെന്നാണ് കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.