കു​പ്ര​സി​ദ്ധ കു​റ്റ​വാ​ളി ഫാ​ന്റം പൈ​ലി​യെ പി​ടി​കൂ​ടി

കോ​ട്ട​യം: സം​സ്ഥാ​ന​ത്തെ വി​വി​ധ പൊ​ലീ​സ് സ്റ്റേ​ഷ​നു​ക​ളി​ൽ നി​ര​വ​ധി കേ​സു​ക​ളി​ലെ പ്ര​തി​യു​മാ​യ കു​പ്ര​സി​ദ്ധ കു​റ്റ​വാ​ളി ഫാ​ന്റം പൈ​ലി​യെ കോ​ട്ട​യ​ത്ത്​​നി​ന്ന്​ പി​ടി​കൂ​ടി. തി​രു​വ​ന​ന്ത​പു​രം മ​ട​വൂ​ർ സ്വ​ദേ​ശി ഷാ​ജി (41) യെ​യാ​ണ് ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്.

ക​ഴി​ഞ്ഞ​യാ​ഴ്ച വ​ർ​ക്ക​ല​യി​ലെ ഒ​രു കൊ​ല​പാ​ത​ക​ശ്ര​മ കേ​സി​ൽ ഉ​ൾ​പ്പെ​ട്ട​തി​നെ തു​ട​ര്‍ന്ന് ഇ​യാ​ൾ കോ​ട്ട​യ​ത്ത് ഒ​ളി​വി​ൽ ക​ഴി​യു​ക​യാ​യി​രു​ന്നു. ജി​ല്ല പൊ​ലീ​സ് മേ​ധാ​വി​ക്ക് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് കോ​ടി​മ​ത ബോ​ട്ട് ജെ​ട്ടി ഭാ​ഗ​ത്ത്നി​ന്ന്​ പൊ​ലീ​സ് സം​ഘം ഇ​യാ​ളെ പി​ടി​കൂ​ടി​യ​ത്. ഓ​ടി​ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി​യെ പി​ന്തു​ട​ർ​ന്ന് പി​ടി​കൂ​ടു​ക​യാ​യി​രു​ന്നു​വെ​ന്ന്​ പൊ​ലീ​സ്​ പ​റ​ഞ്ഞു.

വെ​സ്റ്റ് എ​സ്.​എ​ച്ച്.​ഒ പ്ര​ശാ​ന്ത് കു​മാ​ർ കെ.​ആ​ർ, എ​സ്.​ഐ സ​ജി​കു​മാ​ർ എ​ന്നി​വ​രും അ​ന്വേ​ഷ​ണ​സം​ഘ​ത്തി​ൽ ഉ​ണ്ടാ​യി​രു​ന്നു. ഷാ​ജി​ക്ക് സം​സ്ഥാ​ന​ത്തെ വി​വി​ധ പൊ​ലീ​സ് സ്റ്റേ​ഷ​നു​ക​ളാ​യി നൂ​റോ​ളം മോ​ഷ​ണ​ക്കേ​സു​ക​ൾ നി​ല​വി​ലു​ണ്ട്. ഇ​യാ​ളെ വ​ർ​ക്ക​ല പൊ​ലീ​സി​ന് കൈ​മാ​റി.