അടുക്കളയിൽ കുഴിച്ചുമൂടിയ വീട്ടമ്മയുടെ മൃതദേഹം പുറത്തെടുത്തു; കൊല്ലപ്പെട്ടത് കാണാതായ സിന്ധു

പണിക്കൻകുടി (ഇടുക്കി): പണിക്കൻകുടിയിൽ അയൽവാസിയുടെ അടുക്കളയിൽ കൊ​ല​പ്പെ​ടു​ത്തി കുഴിച്ചുമൂടിയ വീട്ടമ്മയുടെ മൃതേദഹം പുറത്തെടുത്തു. കാണാതായ സിന്ധുവിന്‍റേതാണ് മൃതദേഹമെന്ന് പൊലീസ് സ്ഥിരീകരിച്ചിട്ടുണ്ട്. മൃതദേഹത്തിന് മൂന്നാഴ്ച പഴക്കമുണ്ടെന്നാണ് നിഗമനം. പോസ്റ്റ് മോർട്ടത്തിനായി മൃതദേഹം കോട്ടയം മെഡിക്കൽ കോളജ് ആശുപത്രിയിലേക്ക് മാറ്റും.

മൃതദേഹത്തിന്‍റെ വസ്ത്രങ്ങൾ നീക്കം ചെയ്ത നിലയിലായിരുന്നു. കൂടാതെ, പ്ലാസ്റ്റിക് കവർ കൊണ്ട് മുഖം മൂടിയിരുന്നു. സ്ഥലത്ത് ഫോറൻസിക് വിദഗ്ധരുടെ പരിശോധന പുരോഗമിക്കുകയാണ്. അടുക്കളയിൽ കുഴിച്ചു മൂടിയ മൃതദേഹം പൊലീസ് ഡോഗ് സ്ക്വാഡ് കണ്ടുപിടിക്കാതിരിക്കാൻ പ്രതി മുളകുപൊടി വിതറിയിരുന്നതായി പൊലീസ് പരിശോധനയിൽ കണ്ടെത്തിയിട്ടുണ്ട്.

പ​ണി​ക്ക​ൻകു​ടി​യി​ൽ വീ​ട്ട​മ്മ​യെ സ​മീ​പ​ത്തെ വീ​ടി​ന്‍റെ അ​ടു​ക്ക​ള​യി​ൽ കൊ​ല​പ്പെ​ടു​ത്തി കു​ഴി​ച്ചി​ട്ട നി​ല​യി​ൽ ക​ണ്ടെ​ത്തു​ന്ന​തി​ലേ​ക്ക്​ ന​യി​ച്ച​ത്​ 13കാ​ര​െൻറ സം​ശ​യമാണ്. മൂ​ന്നാ​ഴ്​​ച മു​മ്പ്​ സ്ഥ​ല​ത്തു​ നി​ന്ന്​ കാ​ണാ​താ​യ സി​ന്ധു​വി​െൻറ മ​ക​നാ​ണ്​ സം​ശ​യം ഉ​ന്ന​യി​ച്ച​ത്. ആ​ഗ​സ്​​റ്റ്​ 12നാ​ണ്​ സി​ന്ധു​വി​നെ കാ​ണാ​താ​യ​ത്. മ​ക​ൻ വി​വ​രം സി​ന്ധു​വിന്‍റെ സ​ഹോ​ദ​ര​ന്മാ​രെ അ​റി​യി​ച്ചു. 15ന് ഇ​വ​ർ വെ​ള്ള​ത്തൂ​വ​ല്‍ പൊ​ലീ​സി​ല്‍ പ​രാ​തി ന​ല്‍കി​യെ​ങ്കി​ലും അ​ന്വേ​ഷ​ണ​ത്തി​ല്‍ കാ​ര്യ​മാ​യ പു​രോ​ഗ​തി ഉ​ണ്ടാ​യി​ല്ല. ബി​നോ​യി സ്വ​ന്തം വീ​ട്ടി​ല്‍ പു​തി​യ അ​ടു​പ്പ് പ​ണി​ത​താ​യി ര​ണ്ടു​ദി​വ​സം മു​മ്പ്​ കു​ട്ടി പ​റ​ഞ്ഞു. അ​മ്മ​യെ കാ​ണാ​താ​യ ദി​വ​സം ബി​നോ​യിയു​ടെ വീ​ട്ടി​ല്‍ എ​ത്തി​യ​പ്പോ​ഴാ​ണ് പു​തി​യ അ​ടു​പ്പ് ശ്ര​ദ്ധ​യി​ല്‍ പെ​ട്ട​ത്. ഇ​തോ​ടെ സം​ശ​യം ഉ​ട​ലെ​ടു​ത്തു.

വെ​ള്ളി​യാ​ഴ്​​ച ബി​നോ​യി​യു​ടെ വീ​ട് പ​രി​ശോ​ധി​ക്കാ​ന്‍ ഇ​വ​ര്‍ തീ​രു​മാ​നി​ച്ചു. ബി​നോ​യി​യു​ടെ വീ​ട്ടി​ല്‍ എ​ത്തി​യ​പ്പോ​ള്‍ അ​ടു​ക്ക​ള​വാ​തി​ല്‍ ചാ​രി​യ​നി​ല​യി​ലാ​യി​രു​ന്നു. വീ​ട്ടി​ല്‍ ക​യ​റി​യ ഇ​വ​ര്‍ കു​ട്ടി പ​റ​ഞ്ഞ കാ​ര്യം ശ​രി​യാ​ണെ​ന്ന് ഉ​റ​പ്പി​ച്ചു. പി​ന്നീ​ട് പു​തു​താ​യി പ​ണി​ത അ​ടു​പ്പ് പൊ​ളി​ച്ച് ഇ​ള​കി​യ മ​ണ്ണ് നീ​ക്കി​യ​പ്പോ​ള്‍ കൈ​യും വി​ര​ലു​ക​ളും ക​ണ്ടെ​ത്തി. തു​ട​ര്‍ന്ന് ഇ​വ​ര്‍ ത​ന്നെ പൊ​ലീ​സി​ല്‍ അ​റി​യി​ക്കു​ക​യാ​യി​രു​ന്നു.

16ന് ഒ​ളി​വി​ല്‍പോ​യ ബി​നോ​യി അ​യ​ല്‍ സം​സ്ഥാ​ന​ത്തേ​ക്ക് ക​ട​ന്ന​താ​യാ​ണ് പൊ​ലീ​സ് സം​ശ​യി​ക്കു​ന്ന​ത്. 29ന് ​തൃ​ശൂ​രി​ല്‍ ബി​നോ​യി എ.​ടി.​എം ഉ​പ​യോ​ഗി​ച്ച് പ​ണ​മെ​ടു​ത്ത​താ​യി പൊ​ലീ​സ് ക​ണ്ടെ​ത്തി. പി​ന്നീ​ട് പാ​ല​ക്കാ​ട്ടും എ​ത്തി​യ​താ​യി വി​വ​ര​മു​ണ്ട്. ക്രി​മി​ന​ല്‍ പ​ശ്ചാ​ത്ത​ല​മു​ള്ള​യാ​ളാ​ണ് ബി​നോ​യി എ​ന്നും നേ​ര​ത്തേ വി​വി​ധ കേ​സു​ക​ളി​ൽ ഉ​ള്‍പ്പെ​ട്ടി​ട്ടു​ണ്ടെ​ന്നും പൊ​ലീ​സ് പ​റ​യു​ന്നു.

അ​ക​ന്ന് ക​ഴി​യു​ന്ന ഭ​ര്‍ത്താ​വ് അ​ടു​ത്തി​ടെ പ​ല​ ത​വ​ണ സി​ന്ധു​വി​നെ ഫോ​ണി​ല്‍ വി​ളി​ച്ചി​രു​ന്നു. ഇ​തോ​ടെ ബി​നോ​യി അ​സ്വ​സ്ഥ​നാ​യി. ഭ​ര്‍ത്താ​വ് വി​ളി​ച്ചാ​ല്‍ ഫോ​ണ്‍ എ​ടു​ക്ക​രു​തെ​ന്നും സി​ന്ധു​വി​നോ​ട്​ പ​റ​ഞ്ഞി​രു​ന്നു. എ​ന്നാ​ല്‍, ഭ​ര്‍ത്താ​വു​മാ​യി ഒ​ത്തു​ പോ​കാ​ന്‍ തീ​രു​മാ​നി​ച്ച​തോ​ടെ സി​ന്ധു​വി​നെ ബി​നോ​യി വ​ക​വ​രു​ത്തി​യെ​ന്നാ​ണ് പൊ​ലീ​സി​ന്‍റെ നിഗമനം.