ദ​ക്ഷി​ണാ​ഫ്രി​ക്ക​യി​ൽ ജ​ന്മ​ദി​നാഘോഷത്തിനിടെ വെ​ടി​വ​യ്പ്; എ​ട്ടു പേ​ർ കൊ​ല്ല​പ്പെ​ട്ടു

ജോ​ഹ​ന്നാ​സ്ബ​ർ​ഗ്: ദ​ക്ഷി​ണാ​ഫ്രി​ക്ക​യി​ൽ ജ​ന്മ​ദി​നാ​ഘോ​ഷ​ത്തി​നി​ടെ ഉ​ണ്ടാ​യ വെ​ടി​വ​യ്പി​ൽ എ​ട്ടു പേ​ർ മ​രി​ച്ചു. മൂ​ന്ന് പേ​ർ​ക്ക് ഗു​രു​ത​ര​മാ​യി പ​രി​ക്കേ​റ്റു. അഞ്ച് പുരുഷന്മാരും മൂന്ന് സ്ത്രീകളുമാണ് കൊല്ലപ്പെട്ടത്. തെ​ക്ക​ൻ തു​റ​മു​ഖ ന​ഗ​ര​മാ​യ ഗ്കെ​ബെ​ർ​ഹ​യി​ൽ കഴിഞ്ഞ ദിവസം വൈ​കു​ന്നേ​ര​മാ​ണ് സം​ഭ​വം.

ന​ഗ​ര​ത്തി​ലെ വീ​ട്ടി​ൽ ജ​ന്മ​ദി​നാ​ഘോ​ഷം ന​ട​ക്കു​ന്ന​തി​നി​ട​യി​ൽ അ​ജ്ഞാ​ത​രാ​യ ര​ണ്ടു​പേ​ർ അ​തി​ഥി​ക​ൾ​ക്കു​നേ​രെ വെ​ടി​യു​തി​ർ​ക്കു​ക​യാ​യി​രു​ന്നു. വെ​ടി​വ​യ്പി​നു ​ശേ​ഷം ആ​ക്ര​മി​ക​ൾ സം​ഭ​വ​സ്ഥ​ല​ത്തു​നി​ന്നും ര​ക്ഷ​പ്പെ​ട്ടു. 51-ാം ജ​ന്മ​ദി​നം ആ​ഘോ​ഷി​ക്കു​ക​യാ​യി​രു​ന്ന വു​സും​സി ശി​ശു​ബ എ​ന്ന സ്ത്രീ​യും മ​രി​ച്ച​വ​രി​ൽ ഉ​ൾ​പ്പെ​ടു​ന്നു. പ്ര​തി​ക​ളെ തി​രി​ച്ച​റി​ഞ്ഞി​ട്ടി​ല്ലെ​ന്നും അ​ന്വേ​ഷ​ണം ന​ട​ക്കു​ക​യാ​ണെ​ന്നും പൊലീസ് കൂ​ട്ടി​ച്ചേ​ർ​ത്തു. തോക്ക് ഉപയോഗിച്ചുള്ള കുറ്റകൃത്യങ്ങൾ കൂടുതലായി നടക്കുന്ന രാജ്യങ്ങളിലൊന്നാണ് ദക്ഷിണാഫ്രിക്ക. കഴിഞ്ഞ വർഷം, വിവിധ ബാറുകളിൽ നടന്ന വെടിവയ്പിൽ 20 പേർ കൊല്ലപ്പെട്ടിരുന്നു. ഇത്തരം സംഭവങ്ങൾ പൊലീസ് അന്വേഷണത്തിലാണ്.