ന്യൂഡൽഹി: തന്നെ ബലാത്സംഗം ചെയ്തയാളെ വീട്ടിൽ പൂട്ടിയിട്ട് പൊലീസിലേൽപിച്ച് എയർഹോസ്റ്റസ്. തെക്കൻ ഡൽഹിയിലെ മെഹ്‌റൗളിയിലെ വീട്ടിലാണ് സംഭവം. 30കാരിയായ എയർഹോസ്റ്റസിനെ പരിചയക്കാരനായ ഖാൻപൂർ സ്വദേശിയായ ഹർജീത് യാദവാണ് ബലാത്സംഗം ചെയ്തത്.
തുടർന്ന് യുവതി ഇയാളെ വീട്ടിൽ പൂട്ടിയിടുകയും പൊലീസിൽ അറിയിക്കുകയുമായിരുന്നു. പൊലീസെത്തി പ്രതിയെ അറസ്റ്റ് ചെയ്തു. കഴിഞ്ഞ ഒന്നര മാസമായി തനിക്ക് പരിചയമുള്ള ഹർജീത് യാദവ് മദ്യപിച്ചെത്തി ബലാത്സംഗം ചെയ്യുകയായിരുന്നുവെന്ന് യുവതി പൊലീസിനോട് പറഞ്ഞു. ഇയാൾ ഒരു രാഷ്ട്രീയ പാർട്ടിയുടെ ബ്ലോക്ക് പ്രസിഡന്റാണെന്ന് പൊലീസ് അറിയിച്ചു.
യുവതിയുടെ മൊഴിയുടെ അടിസ്ഥാനത്തിൽ, ബലാത്സംഗം, സ്വമേധയാ മുറിവേൽപ്പിക്കൽ, സ്ത്രീയുടെ മാന്യതയെ അപമാനിക്കൽ, പ്രകൃതിവിരുദ്ധ കുറ്റകൃത്യങ്ങൾ എന്നിവ ചുമത്തി കേസെടുത്തതായും ജുഡീഷ്യൽ കസ്റ്റഡിയിൽ വിട്ടതായും പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.