അഗർത്തല: 62കാരിയെ മക്കൾ മരത്തിൽ കെട്ടിയിട്ട് ജീവനോടെ കത്തിച്ചു. ത്രിപുരയിലെ ഖമർബാരിയിൽ ശനിയാഴ്ചയായിരുന്നു സംഭവം.
കുടുംബ വഴക്കാകാം കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം. ഒന്നര വർഷം മുമ്പ് ഭർത്താവ് മരിച്ച ഇവർ മക്കളോടൊപ്പമായിരുന്നു താമസം.
മധ്യവയസ്ക്കയായ സ്ത്രീയെ ജീവനോടെ കത്തിച്ചുവെന്ന് വിവരത്തെ തുടർന്ന് പൊലീസ് സ്ഥലത്തെത്തുകയായിരുന്നു. മൃതദേഹം പോസ്റ്റുമോർട്ടത്തിനായി ആശുപത്രിയിലേക്ക് മാറ്റിയാതായി ജിറാനിയയിലെ സബ് ഡിവിഷണൽ പൊലീസ് ഓഫീസർ കമൽ കൃഷ്ണ കൊളോയി പറഞ്ഞു
സംഭവത്തിൽ മക്കളെ അറസ്റ്റ് ചെയ്തതായും ഇന്ന് കോടതിയിൽ ഹാജരാക്കുമെന്നും പൊലീസ് പറഞ്ഞു.
ഈ വർഷം ഏപ്രിലിൽ ചണ്ഡീഗഡിൽ സമാനമായ സംഭവം നടന്നിരുന്നു. 26 കാരിയായ യുവതിയെ ആൺ സുഹൃത്ത് തീകൊളുത്തി കൊലപ്പെടുത്തിയിരുന്നു. പൊള്ളലേറ്റ യുവതിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായിരുന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.